'ఆటోనగర్ సూర్య' అలాంటి సమయంలోనే..
Tuesday, November 26, 2013 • Telugu Comments

'వెన్నెల, ప్రస్థానం' చిత్రాలతో దర్శకుడిగా మంచి పేరు గడించిన దేవాకట్టా రూపొందిస్తున్న తృతీయ సినిమా ప్రయత్నం 'ఆటోనగర్ సూర్య'. నాగచైతన్య, సమంత జంటగా నటిస్తున్న ఈ చిత్రం దాదాపు రెండేళ్లుగా నిర్మాణం జరుపుకుంటూ. మధ్యలో ఆగిపోతూ. ఇలా ఏదో ఓ రూపంలో వార్తల్లో నిలుస్తోంది. అయితే ఇన్నాళ్లు ఈ సినిమాకి పట్టిన గ్రహణం పోయి. అతి త్వరలో ప్రేక్షకుల ముందుకు వచ్చేందుకు ఏర్పాట్లు జరుగుతున్న సంగతి తెలిసిందే.

ఇదిలా ఉంటే. చేతికి అందొచ్చిన ఈ సినిమాని ఎప్పుడు రిలీజ్ చేయాలా అన్న విషయంలో చిత్ర బృందం ఎంతో స్పష్టతతో ఉందీప్పుడు. వచ్చే నెలలోనే ఈ సినిమా వచ్చే అవకాశాలున్నా. అప్పుడు విడుదలయ్యే సినిమాలను (క్రేజ్ ఉన్నవే అనుకోవచ్చు) బట్టి. లభ్యమయ్యే థియేటర్లను బట్టి విడుదల తేది ఆధారపడి ఉంటుందని తెలుస్తోంది. ఈ సినిమాకి ఉన్న పాజిటివ్ వైబ్రేషన్స్ ప్రకారం. సరైన ముహుర్తం కూడా ఈ సినిమాని ఫలితాన్ని మరింత ఘనంగా ఉంచేలా చేస్తుందనడంలో సందేహం లేదు.