ஆஸ்கார் நாயகன் ஏ.ஆர்.ரஹ்மான் சமீபத்தில் லண்டனில் நடத்திய 'நேற்று இன்று நாளை' என்ற இசை நிகழ்ச்சியில் இந்தி பாடல்களை அவர் பாடவில்லை என்று குற்றம் சாட்டி நிகழ்ச்சியின் பாதியிலேயே வட இந்திய ரசிகர்கள் எழுந்து போனதாக செய்திகள் வெளிவந்தன.

இந்த சம்பவம் குறித்து சமூக வலைத்தளங்களில் கடந்த இரண்டு நாட்களாக வாத, விவாதங்கள் நடைபெற்று வருகின்றன. பெரும்பாலானோர் ஏ.ஆர்.ரஹ்மானுக்கு ஆதரவு தெரிவித்து வருகின்றனர். இசைக்கு மொழி கிடையாது என்றும் அது எல்லா மொழிகளுக்கும் பொதுவானது என்று பல திரையுலக பிரபலங்கள் கருத்து தெரிவித்து வந்தனர்.

இந்த நிலையில் ஏ.ஆர்.ரஹ்மானுக்கு நடிகர் தனுஷ் ஆதரவு அளித்துள்ளார். அவர் தனது டுவிட்டரில் ஏ.ஆர்.ரஹ்மானுக்கு எந்த மொழியும் கிடையாது. அவருடைய தாய்மொழி இசையை தவிர வெறு எதூவும் இல்லை. ரஹ்மான் ரஹ்மான் தான் என்று அவருக்கு புகழாரம் சூட்டியுள்ளார்.