கோலிவுட் திரையுலகின் முன்னணி காமெடி நடிகர்களில் ஒருவர் சூரி. அஜித், விஜய் உள்பட முன்னணி நடிகர்களுடன் இணைந்து நடித்துள்ள சூரி, இன்று பிசியான நடிகர்களில் ஒருவராக உள்ளார்.

இந்நிலையில் நேற்றிரவு 10.15 மணியளவில் சூரியின் தந்தை ஆர்.முத்துசாமி காலமானார். அவருக்கு வயது 75. கடந்த சில நாட்களாக உடல்நலமின்றி சிகிச்சை பெற்று வந்த முத்துசாமி சிகிச்சையின் பலனின்றி காலமானார். தந்தையின் மறைவு சூரிக்கு ஈடு செய்ய முடியாத இழப்பாக கருதப்படுகிறது.

சூரியின் சொந்த ஊரான மதுரை ஒத்தக்கடை அருகே உள்ள ராசக்கூரில் இன்று மாலை 4 மணிக்கு அவரது இறுதிச்சடங்கு நடைபெறும் என்று கூறப்படுகிறது.

தந்தையை இழந்து வாடும் சூரிக்கு நமது ஆழ்ந்த இரங்கலை தெரிவித்து கொள்வதுடன் மறைந்த முத்துசாமி அவர்களின் ஆன்மா சாந்தியடைய இறைவனை பிரார்த்தனை செய்து கொள்கிறோம்.