பிரபல இயக்குனர் கவுதம் மேனன் இயக்கத்தில் சீயான் விக்ரம் மூன்று வித்தியாசமான வேடங்களில் நடித்து வரும் திரைப்படம் 'துருவ நட்சத்திரம்'. இந்த படத்தின் படப்பிடிப்பு விறுவிறுப்பாக நடந்து வரும் நிலையில் இந்த படத்தில் பிரபல நாயகி ஒருவர் இணைந்துள்ளார்.

ஏற்கனவே இந்த படத்தின் நாயகியாக ரிதுவர்மான நடித்து வரும் நிலையில் மனிதன், தர்மதுரை உள்பட பல படங்களில் நடித்த ஐஸ்வர்யா ராஜேஷ் தற்போது இணைந்துள்ளதாக தகவல்கள் வெளிவந்துள்ளது. ஐஸ்வர்யா ராஜேஷ் இந்த படத்திற்காக ஸ்க்ரீன் டெஸ்ட்டை முடித்துவிட்டதாகவும், மிக விரைவில் அவர் இந்த படத்தின் ஒப்பந்தத்தில் கையெழுத்திட்டு பின்னர் படப்பிடிப்பில் கலந்து கொள்வார் என்றும் படக்குழுவினர்களுக்கு நெருக்கமானவர்கள் கூறி வருகின்றனர். மேலும் இந்த படத்தில் பார்த்திபன் முக்கிய வேடத்தில் நடித்து வருவது தெரிந்ததே.

ஹாரீஸ் ஜெயராஜ் இசையில், ஜாமோன் ஜான் ஒளிப்பதிவில் ப்ரவீண் அந்தோணி படத்தொகுப்பில் உருவாகி வரும் இந்த படத்தை கவுதம் மேனனின் ஒன்றாக எண்டர்டெயின்மெண்ட் நிறுவனம் தயாரித்து வருகிறது. க்ரைம் த்ரில் படமாக உருவாகி வரும் இந்த படம் இந்த ஆண்டின் மிகப்பெரிய எதிர்பார்ப்பில் உள்ள படங்களில் ஒன்று என்பது குறிப்பிடத்தக்கது.