சிறுத்தை சிவா இயக்கத்தில் அஜீத் நடித்து வரும் 'தல 56' படத்தின் மூன்று கட்ட படப்பிடிப்புகள் ஏற்கனவே முடிவடைந்த நிலையில் விரைவில் நான்காம் கட்ட படப்பிடிப்பு கொல்கத்தாவில் ஆரம்பமாகவுள்ளது.

இந்நிலையில் முதல்கட்ட படப்பிடிப்பில் அஜீத் மற்றும் லட்சுமி மேனன் சம்பந்தப்பட்ட காட்சிகள் படமாக்கப்பட்டது. இந்த படப்பிடிப்பில் லட்சுமி மேனன் கல்லூரிக்கு செல்வது போன்றும், அவருக்கு துணையாக அஜீத் செல்வது போன்ற காட்சிகள் படமாக்கப்பட்டது. இந்நிலையில் லட்சுமிமேனன் கல்லூரியில் ஒருவரை காதலிப்பது போன்ற காதல் காட்சிகள் விரைவில் எடுக்கப்படவுள்ளதாகவும், லட்சுமி மேனனின் காதலராக 'மங்காத்தா' படத்தில் அஜீத்துடன் நடித்த அஸ்வின் நடிக்கவுள்ளதாகவும் கூறப்படுகிறது.

அஜீத், ஸ்ருதிஹாசன், கபீர்சிங், அஸ்வின் உள்பட பலர் நடிக்கும் இந்த படத்திர்கு அனிருத் இசையமைத்து வருகிறார். ஏ.எம்.ரத்னம் தயாரித்து வரும் இந்த படத்தை வரும் தீபாவளி தினத்தில் திரையிட அனைத்து ஏற்பாடுகளும் விறுவிறுப்பாக நடந்து வருவதாக செய்திகள் கூறுகின்றன.