close
Choose your channels

லைகா நிறுவனத்துடன் மீண்டும் இணைந்த ஏ.ஆர்.முருகதாஸ்

Wednesday, May 24, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பிரபல இயக்குனர் ஏ.ஆர்.முருகதாஸ் இயகக்த்தில் இளையதளபதி விஜய் நடித்த 'கத்தி' படத்தின் மூலம்தான் லைகா நிறுவனம் கோலிவுட் திரையுலகில் காலடி எடுத்து வைத்தது. இந்த படத்தை அடுத்து லைகா நிறுவனம் சூப்பர் ஸ்டார் ரஜினியின் '2.0' உள்பட பல படங்களை தயாரித்து வருகிறது. கமல்ஹாசனின் கனவுப்படங்களில் ஒன்றான 'மருதநாயகம்' படத்தையும் இந்நிறுவனம் தயாரிக்க முன்வந்துள்ளதாகவும் கூறப்படுகிறது.

மேலும் ஏ.ஆர்.முருகதாஸ்-விஜய் கூட்டணியில் உருவாகவுள்ள 'தளபதி 62' படத்தை லைகா நிறுவனம் தயாரிக்கும் என்று எதிர்பார்க்கப்படுகிறது. ஆனால் இந்த தகவல் இன்னும் உறுதி செய்யப்படவில்லை. இந்த நிலையில் லைகா நிறுவனத்தின் தயாரிப்பில் உதயநிதி ஸ்டாலின் நடிப்பில் உருவாகியுள்ள 'இப்படை வெல்லும்' என்ற படத்தின் ஃபர்ஸ்ட்லுக் இன்று மாலை 6 மணிக்கு வெளியாக உள்ளதாக அறிவிக்கப்பட்டுள்ளது. இந்த படத்தின் ஃபர்ஸ்ட்லுக்கை இயக்குனர் ஏ.ஆர்.முருகதாஸ் தனது சமூக வலைத்தளத்தில் வெளியிடவுள்ளார்.

உதயநிதி ஸ்டாலின், மஞ்சிமா மோகன், ராதிகா, சூரி, டேனியல் பாலாஜி, ஆர்.கே சுரேஷ் உள்ளிட்ட பலர் நடித்து வரும் 'இப்படை வெல்லும்' படத்தை கவுரவ் நாராயணன் இயக்கியுள்ளார். டி.இமான் இசையமைத்து வரும் இந்த படத்திற்கு ரிச்சர்ட் எம்.நாதன் ஒளிப்பதிவும், ப்ரவீண் கே.எல் படத்தொகுப்பும் செய்து வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.