பிரமாண்ட இயக்குனர் எஸ்.எஸ்.ராஜமெளலி இயக்கத்தில் பிரபாஸ், அனுஷ்கா, தமன்னா, ராணா நடிப்பில் உருவாகியுள்ள 'பாகுபலி 2' என்ற பெரும் எதிர்பார்ப்பிற்குரிய திரைப்படம் நாளை உலகம் முழுவதும் வெளியாகவுள்ளது. இந்த நிலையில் கடும் பாதுகாப்பு ஏற்பாடுகளையும் மீறி இந்த படத்தின் இரண்டு நிமிட காட்சிகள் சமூகவலைத்தளங்கள் மற்றும் இணையதளங்களில் லீக் ஆகியுள்ளது. இதனால் படக்குழுவினர் அதிர்ச்சியில் உள்ளனர்

இந்த இரண்டு நிமிட காட்சியில் பிரபாஸ், ராணா, சத்யராஜ் குறித்த காட்சிகள் இருப்பதாக தெரிகிறது.

ரூ.1000 கோடி வியாபார மதிப்புள்ள ஒரு திரைப்படத்தின் சில காட்சிகள் ரிலீசுக்கு முன்பே வெளியாகியுள்ளது அனைவரையும் ஆச்சரியத்தையும் அதிர்ச்சியையும் ஏற்படுத்தியுள்ளது. இந்த காட்சிகள் பிரிவியூ திரையரங்கில் அல்லது போஸ்ட் புரடொக்ஷன்ஸ் பணிகள் நடைபெறும்போது செல்போனில் பதிவு செய்யப்பட்டிருக்கலாம் என்று கூறப்படுகிறது.