close
Choose your channels

ஓபிஎஸ் அணியில் மற்றொரு முன்னாள் அதிமுக அமைச்சர்

Monday, April 3, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

முன்னாள் முதல்வர் ஜெயலலிதாவின் மறைவுக்கு பின்னர் அதிமுக, சசிகலா அணி, ஓபிஎஸ் அணி இரண்டாக உடைந்தது. சொத்துக்குவிப்பு வழக்கில் சசிகலா சிறை சென்றதால் சசிகலா அணியை டிடிவி தினகரன் தலைமையேற்று வழிநடத்தி வருகிறார்.
இந்நிலையில் ஓபிஎஸ் அணியில் தற்போது 12 எம்பிக்களும், 12 எம்.எல்.ஏக்களும் ஆதரவு தந்துள்ளனர். ஆர்.கே.நகர் இடைத்தேர்தலுக்கு பின்னர் இன்னும் ஒருசில எம்.எல்.ஏக்கள் ஓபிஎஸ் அணிக்கு ஆதரவு தருவார்கள் என்று எதிர்பார்க்கப்படும் நிலையில் சற்று முன்னர் முன்னாள் அதிமுக அமைச்சர் ராஜகண்ணப்பன் ஓபிஎஸ் அணிக்கு ஆதரவு கொடுத்துள்ளார்.
இன்று ஓபிஎஸ் முன்னிலையில் தனது ஆதரவை தெரிவித்த ராஜகண்ணப்பன், 'அதிமுகவை யாராலும் அழிக்க முடியாது என்றும், ஓபிஎஸ் உடன் இணைந்து கட்சியை மீட்டெடுப்போம் என்றும் சூளுரைத்தார். ஆர்.கே.நகரில் மதுசூதனன் வெற்றி பெறுவது ஜனநாயகம் வெற்றி பெறுவதாகும் என்று கூறியுள்ளார்.
ராஜகண்ணப்பன் கடந்த 1991-ம் ஆண்டு முதல் 1996-ம் ஆண்டுவரை அதிமுக அமைச்சரவையில் பொதுப்பணி துறை மற்றும் மின்சார துறை அமைச்சராக இருந்தவர் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.