close
Choose your channels

'பசங்க' பாண்டிராஜூக்கு பிறந்த நாள் வாழ்த்துக்கள்

Wednesday, June 7, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கோலிவுட் திரையுலகில் இன்றைய முன்னணி இயக்குனர்களில் ஒருவர் பாண்டிராஜ். இன்று பாண்டிராஜ் தனது பிறந்த நாளை கொண்டாடி வரும் நிலையில் அவருக்கு நமது மனமார்ந்த பிறந்த நாளை தெரிவித்து கொள்கிறோம்.

கடந்த 2009ஆம் ஆண்டு இவர் இயக்கிய முதல் படமான 'பசங்க' திரைப்படம் சிறந்த தமிழ் படத்திற்கான தேசிய விருது, சிறந்த திரைக்கதை ஆசிரியருக்கான தேசிய விருது, சிறந்த குழந்தை நட்சத்திரங்களுக்கான தேசிய விருது என மூன்று தேசிய விருதினை குவித்தது.

அதன்பின்னர் இவர் இயக்கிய அருள்நிதி அறிமுகமான 'வம்சம்', 'சிவகார்த்திகேயன் அறிமுகமான 'மெரீனா' ஆகிய படங்கள் வசூல் ரீதியாக வெற்றி பெற்றதுடன் அருள்நிதி, சிவகார்த்திகேயன் இருவருமே இன்று மிகப்பெரிய நடிகர்களாக கோலிவுட்டில் வளர்ந்துள்ளனர்.

மேலும் 'கேடி பில்லா கில்லாடி ரங்கா', இது நம்ம ஆளு, கதகளி, பசங்க 2 ஆகிய வசூல் ரீதியான வெற்றிப்படங்களும் பாண்டிராஜ் இயக்கிய படங்கள் தான். மேலும் குறைந்த பட்ஜெட்டில் தயாராகி மிகப்பெரிய வெற்றி பெற்ற 'கோலிசோடா' படத்திற்கு வசனம் எழுதியவரும் பாண்டிராஜ் என்பது குறிப்பிடத்தக்கது.

இயக்குனர் பாண்டிராஜ் தற்போது ஜி.வி.பிரகாஷ் நடித்து வரும் 'செம' என்ற படத்தை தயாரித்து வருகிறார். இன்றைய பிறந்தநாளில் இயக்குனர் பாண்டிராஜ் மேலும் பல படங்களை தயாரித்தும், இயக்கியும் பல விருதுகளை வென்று குவிக்க மீண்டும் ஒருமுறை அவருக்கு நமது வாழ்த்துக்களை தெரிவித்து கொள்கிறோம்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.