ஜெயங்கொண்டான்', கண்டேன் காதலை', சேட்டை போன்ற படங்களை இயக்கிய இயக்குனர் கண்ணன் இயக்கிய 'இவன் தந்திரன்' திரைப்படம் விரைவில் ரிலிஸ் ஆகவுள்ளது. இந்த நிலையில் சமீபத்தில் ஊடகம் ஒன்றுக்கு பேட்டி அளித்த இயக்குனர் கண்ணன், விஜய் அஜித் படங்களை இயக்க வேற ஒரு மேஜிக் வேண்டும் என்றும் இன்னும் அதற்கு தான் தயாராகவில்லை என்றும் கூறினார்

தற்போது ரூ.5 கோடி, 6 கோடி பட்ஜெட்டில் உருவாகும் படங்களை இயக்கி வருவதாகவும், என்னை நம்பி முதலீடு செய்த தயாரிப்பாளர் எந்த விதத்திலும் நஷ்டம் அடைந்துவிட கூடாது என்ற கவனத்தில் படம் இயக்குவதாகவும் கூறினார். மேலும் விஜய் , அஜித் படங்கள் என்றால் குறைந்தபட்சம் 60 கோடி 70 கோடி ரூபாய் பட்ஜெட் ஆகும் என்றும் அவ்வளவு பெரிய பட்ஜெட்டில் படம் எடுக்க வேற ஒரு மேஜிக் வேண்டும் என்றும் கூறிய கண்ணன், இன்னும் ஒருசில படங்களை இயக்கிய பின்னர் அதுபோன்ற முயற்சிக்கு தயாராவேன்' என்று கூறினார்.

மேலும் 'இவன் தந்திரன்' படம் குறித்து இயக்குனர் கண்ணன் கூறியபோது, 'இஞ்சினியரிங் படித்து முடித்துவிட்டு வெளியே வரும் திறமைசாலி மாணவர்கள் சந்திக்கும் பிரச்சனைகள் சவால்கள் தான் இந்த படத்தின் கதை. ஒரு இஞ்சினியரிங் படித்த இளைஞனின் சம்பளத்தை விட பத்தாவது படித்துவிட்டு கால்டாக்ஸி ஓட்டும் டிரைவருக்கு சம்பளம் அதிகம். அப்படியென்றால் படித்த படிப்புக்கு என்ன மரியாதை இருக்கு என்பதை சமூக அக்கறையுடன் இந்த படத்தில் கூறியுள்ளேன்' என்று கூறினார்.