close
Choose your channels

'தளபதி 61' டைட்டில்: ஆறில் ஒன்றுதான் 'மூன்றுமுகம்'. படக்குழுவினர் விளக்கம்.

Sunday, April 2, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

இளையதளபதி விஜய் நடிப்பில் அட்லி இயக்கி வரும் 'தளபதி 61' படத்தின் அடுத்தகட்ட படப்பிடிப்பு விரைவில் ராஜஸ்தானில் நடைபெறவுள்ளது. இந்த நிலையில் இந்த படத்தின் டைட்டில் 'மூன்று முகம்' என கடந்த சில மணி நேரங்களாக சமூக இணையதளங்களில் ஒரு போஸ்டர் மிக வேகமாக பரவி வருகிறது. எனவே 'தளபதி 61' படத்தின் டைட்டில் லீக் ஆகிவிட்டதாக கூறப்பட்டது.

இந்நிலையில் 'தளபதி 61' படக்குழுவினர் இதற்கு மறுப்பு தெரிவித்துள்ளனர். இந்த போஸ்டர் முழுக்க முழுக்க ரசிகர் ஒருவரால் டிசைன் செய்யப்பட்டதாகவும், இந்த போஸ்டரின் படி கூறப்படும் 'மூன்று முகம்' டைட்டில் நாங்கள் தேர்வு செய்து வைத்திருக்கும் ஆறு டைட்டில்களில் ஒன்றுதான் என்றும், இன்னும் இந்த படத்தின் டைட்டில் இறுதி செய்யப்படவில்லை என்றும் விளக்கம் அளித்துள்ளனர்.

மேலும் 'தளபதி 61' படத்தின் டைட்டில் மற்றும் ஃபர்ஸ்ட்லுக் வரும் ஜூன் மாதம் வெளியாகும் என்று எதிர்பார்க்கப்படுகிறது. சமீபத்தில் விஜய், எஸ்.ஜே.சூர்யா, நித்யாமேனன் ஆகியோர் கடந்த 80கள் மாடலில் உடையணிந்த ஸ்டில் ஒன்று கசிந்ததால் படக்குழுவினர் வருத்தத்தில் இருக்கும் நிலையில் தற்போது ரசிகர் ஒருவரின் டைட்டில் டிசைன் வெளிவந்து குழப்பத்தை ஏற்படுத்தியதால் படக்குழுவினர் அதிருப்தியில் உள்ளனர்

விஜய், காஜல் அகர்வால், சமந்தா, நித்யாமேனன், சத்யராஜ், எஸ்.ஜே.சூர்யா, வடிவேலு, சத்யன், கோவை சரளா உள்பட பலர் நடித்து வரும் இந்த படத்தை ஸ்ரீதேனாண்டாள் பிலிம்ஸ் நிறுவனம் பெரும் பொருட்செலவில் தயாரித்துவருகிறது. இந்த படத்திற்கான பாடல்கள் கம்போஸ் செய்யும் பணியை இசையமைப்பாளர் ஆஸ்கார் நாயகன் ஏ.ஆர்.ரஹ்மான் தொடங்கிவிட்டதாக கூறப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.