கடந்த இரண்டு நாட்களாக மிமி கிரியேட்டர்களுக்கு கிடைத்த அல்வா போன்ற விஷயம் சரவணா ஸ்டோர் உரிமையாளர் சரவணன் அவர்கள் நயன்தாராவுடன் நடிக்கவுள்ளதாக வந்த செய்திதான். ஃபேஸ்புக், டுவிட்டர் உள்பட அனைத்து சமூகவலைத்தளங்கள், இணையதளங்களும் இந்த செய்தியை போட்டு பரபரப்பை ஏற்படுத்தியுள்ளது.

சரவணா ஸ்டோர் சரவணன் ஏற்கனவே ஹன்சிகா, தமன்னா, ஸ்ரேயாவுடன் தனது கடையின் விளம்பரத்தில் நடித்துள்ளார். அதுமட்டுமின்றி சூர்யா, ஜோதிகா,சமந்தா உள்பட கிட்டத்தட்ட அனைத்து முன்னணி நடிகர், நடிகையர் இவருடைய கடை விளம்பரத்தில் நடித்துவிட்டனர். சமீபத்தில் கூட புதிய கடை திறப்புவிழாவிற்கு வைரமுத்து, ஜெயம் ரவி, மாதவன் ஆகியோர் கலந்து கொண்டனர். எனவே திரைத்துறைக்குக்கும் சரவணன் அவர்களுக்கும் கடந்த சில ஆண்டுகளாகவே நெருங்கிய தொடர்பு இருந்துள்ளது.

இந்நிலையில் சமீபத்தில் திருச்செந்தூரில் ரூ.1 கோடி தங்கவேல் காணிக்கையாக கொடுத்த சரவணன், பின்னர் செய்தியாளர்களிடம் பேசியபோது திரைப்படங்கள் தயாரித்து நடிக்கவுள்ளதாகவும், தனது முதல் படத்தில் நயன்தாராவை நாயகியாக நடிக்கவைக்க விருப்பம் தெரிவித்ததாகவும் கூறினார்.

இந்த செய்தி ஊடகங்களில் காட்டுத்தீ போல பரவி நயன்தாரா, சரவணன் படத்தில் நடிப்பது உறுதியாகிவிட்டதாக வதந்தி பரவி வருகிறது. ஆனால் இன்றுவரை நயன்தாரா, சரவணன் படத்தில் நடிப்பது உறுதி செய்யப்படவில்லை என்பதே உண்மை.