గ‌తేడాది న‌వంబ‌ర్‌లో విడుద‌లై మంచి విజ‌యం సాధించిన చిత్రం ఎక్క‌డికి పోతావ్ చిన్న‌వాడా. నిఖిల్ హీరోగా న‌టించిన ఈ చిత్రంలో హెబ్బా ప‌టేల్‌, నందితా శ్వేత‌, అవికా గోర్ హీరోయిన్స్‌గా న‌టించిన సంగ‌తి తెలిసిందే.

మ‌రో సారి హెబ్బా, నందితా ఒకే సినిమాలో న‌టించ‌నున్నారు. అయితే ఆ సినిమా మ‌ల‌యాళంలో విజ‌యం సాధించిన 100 డిగ్రీస్ సెల్సియ‌స్ అనే చిత్రానికి రీమేక్ వెర్ష‌న్‌. తెలుగు, త‌మిళ భాష‌ల్లో రూపొందనున్న ఈ చిత్రంలో రాయ్ ల‌క్ష్మీ, రాగిణి ద్వివేది, నిఖిషా ప‌టేల్ కూడా హీరోయిన్లుగా న‌టిస్తున్నారు.

ఐదుగురు అమ్మాయిల చుట్టూ తిరిగే ఈ విమెన్ సెంట్రిక్ స‌బ్జెక్ట్‌ని అనువాద చిత్రాల నిర్మాత ఎ.శోభారాణి నిర్మిస్తున్నారు. రెడీ, ఆడ‌వారి మాట‌ల‌కు అర్థాలే వేరులే చిత్రాల‌ను త‌మిళంలో రూపొందించిన మిత్ర‌న్ జ‌వ‌హర్ ద‌ర్శ‌క‌త్వంలో ఈ చిత్రం తెర‌కెక్క‌నుంది.