தமிழ் திரையுலகின் முன்னணி நடிகர்களில் ஒருவராகிய விஜய்சேதுபதியும், கடந்த பத்து வருடங்களுக்கும் மேலாக கோலிவுட்டில் நாயகியாக வலம் வரும் த்ரிஷாவும் முதல்முறையாக இணையும் திரைப்படம் '96'

விஜய்சேதுபதியின் வெற்றி படங்களில் ஒன்றான 'நடுவுல கொஞ்சம் பக்கத்தை காணோம்' படத்தின் ஒளிப்பதிவாளர் பிரேம்குமார் இயக்கவுள்ள இந்த படத்தை நந்தகோபால் தயாரிக்கவுள்ளார். இந்த படத்திற்கு கோவிந்த் மேனன் இசையமைக்கின்றார்.

இந்த படத்தின் பூஜை காதலர் தினமான இன்று இரவு 7 மணிக்கு நடைபெறவுள்ளது. படப்பிடிப்பு தொடங்கும் தேதி பின்னர் அறிவிக்கப்படும் என தெரிகிறது.

விஜய்சேதுபதி ஏற்கனவே 'புரியாத புதிர்', கவண், விக்ரம் வேதா, கருப்பன் போன்ற படங்களிலும், த்ரிஷா ஏற்கனவே 'சதுரங்க வேட்டை 2', 'கர்ஜனை', '1818' போன்ற படங்களிலும் நடித்து வருகின்றனர் என்பது குறிப்பிடத்தக்கது.