நடிகர், பாடலாசிரியர், தயாரிப்பாளர், பாடகர், என பல்வேறு அவதாரங்களில் கோலிவுட்டில் வலம் வரும் தனுஷ் இயக்கிய முதல் படம் 'பவர்பாண்டி. இந்த படத்தின் பாடல்கள் நேற்று வெளியாகி ரசிகர்களிடம் நல்ல வரவேற்பை பெற்று வருகிறது.

இந்நிலையில் தனுஷின் முதல் இயக்கம், மற்றும் பாடல்கள் வெற்றிக்கு திரையுலகினர்களும் வாழ்த்து தெரிவித்து வருகின்றனர். குறிப்பாக அவரது திரையுலக போட்டியாளரான சிம்பு தனது வாழ்த்துக்களை தனுஷூக்கு தெரிவித்துள்ளார். மேலும் இந்த படத்தின் 'சூரக்காத்து' பாடல் தன்னுடைய பேவரேட் என்றும் அவர் குறிப்பிட்டுள்ளார்.

இதைப்போலவே தனுஷ் படத்தில் அறிமுகமாகி இன்று முன்னணி இசையமைப்பாளர்களில் ஒருவராக உள்ள அனிருத்தும் 'பவர்பாண்டி' படக்குழுவினர்களுக்கு வாழ்த்து தெரிவித்துள்ளார். 'சகோதரர்களே உங்கள் ஆல்பம் பெரும் வரவேற்பை பெற எனது நல்வாழ்த்துக்கள்' என்று அவர் கூறியுள்ளார்.