உலகப்புகழ் பெற்ற ஈரான் இயக்குனர் மஜித்மஜிதி குறித்து சினிமா ரசிகர்கள் தெரிந்திராமல் இருந்திருக்க முடியாது. இவர் தற்போது 'Beyond The Clouds' என்ற படத்தை இயக்கி வருகிறார். இந்த படத்தில் நடிக்க பழம்பெரும் தென்னிந்திய நடிகை ஜி.வி.ஷாரதா ஒப்பந்தமாகியுள்ளார்.

அண்ணன் - தங்கை பாசத்தை மையமாக கொண்டு உருவாக்கப்படும் இந்த படத்தை ஜீஸ்டூடியோஸ் (Zee Studios) மற்றும் ஐகேண்டிஃபிலிம்ஸ் (Eyecandy Films) நிறுவனங்கள் இணைந்து தயாரிக்கின்றன. சுமார் 60 திரைப்படங்களுக்கும் மேல் நடித்த பழம்பெரும் நடிகை ஷாரதா நீண்ட இடைவெளிக்கு பின்னர் அதுவும் உலகப்புகழ் பெற்ற இயக்குனரின் இயக்கத்தில் நடிக்கவுள்ளதால் இந்த படம் மிகுந்த முக்கியத்துவத்தை பெற்றுள்ளது. இந்த படத்தில் நடிக்க கிடைத்த வாய்ப்பு குறித்து ஷாரதா கூறியதாவது:

15 ஆண்டுகள் இடைவேளைக்குப் பிறகு மீண்டும் திரைப்படத்தில் நடிப்பது மகிழ்ச்சியை அளிப்பதாகவும், அதுவும், தான் “திரையுலக கடவுள்” போன்று கருதும் மஜித்மஜிதி படத்திலேயே நடிப்பது மிகுந்த உற்சாகத்தை அளிப்பதாகவும் தெரிவித்துள்ளார். மேலும், பன்முகதிறமை கொண்ட மஜித்மஜிதியின் தேர்ந்த படக்குழுவினருடனும், தயாரிப்பு நிறுவனங்களான ஜீஸ்டூடியோஸ்மற்றும் ஐகேண்டிஃபிலிம்ஸ் இணைந்து பணியாற்ற இருப்பது மிகுந்த உற்சாகத்தை அளிப்பதாக தெரிவித்துள்ளார்.

இப்படத்திற்காக நடிகை சாரதா அவர்களை உடல் எடையை குறைக்குமாறு இயக்குனர் மஜித்மஜிதி அவர்கள் கேட்டுக்கொண்டுள்ளதாகவும், அவரும் அதற்கு சம்மதம் தெரிவித்ததாகவும் தயாரிப்பு நிறுவன தகவல் தொடர்பாளர்கள் தெரிவித்தனர்