close
Choose your channels

முதன்முதலாக ஏ.ஆர்.முருகதாசுடன் இணையும் சிம்பு

Friday, May 26, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பிரபல இயக்குனர் ஏ.ஆர்.முருகதாஸ் இயக்கி வரும் 'ஸ்பைடர்' திரைப்படத்தின் படப்பிடிப்புகள் முடிவடைந்து போஸ்ட் புரடொக்ஷன்ஸ் பணிகள் மின்னல் வேகத்தில் நடந்து வருகிறது. இந்த நிலையில் ஏ.ஆர்.முருகதாஸ் இயக்குனராக மட்டுமின்றி ஒரு வெற்றிகரமான தயாரிப்பாளரும் என்பது அனைவரும் தெரிந்ததே. அவரது தயாரிப்பில் தற்போது உருவாகி வரும் படம் 'ரங்கூன்'
'ரங்கூன்' படத்தின் டிரைலர் சமீபத்தில் இணையதளங்களில் வெளியாகி நல்ல வரவேற்பை பெற்ற நிலையில் நாளை மாலை 5 மணிக்கு 'நீ இல்லா ஆகாயம்' என்ற சிங்கிள் பாடல் வெளியாகவுள்ளது. இந்த பாடலை நடிகர் சிம்பு தனது சமூக வலைத்தளத்தில் வெளியிடுகிறார். ஏ.ஆர்.முருகதாஸ் படத்தின் சிங்கிள் பாடலை சிம்பு வெளியிடுவது இதுவே முதல்முறை என்பது குறிப்பிடத்தக்கது. ஏற்கனவே இந்த படத்தின் ஃபாரின் ரிட்டர்ன் என்ற சிங்கிள் பாடலை அனிருத் வெளியிட்டுள்ளார் என்பது குறிப்பிடத்தக்கது.
கெளதம் கார்த்திக், சனா, லாலு, பிரசாந்த் நாயர், டேனியல் உள்பட பலர் நடித்துள்ள இந்த படத்தை ராஜ்குமார் பெரியசாமி இயக்கியுள்ளார். இவர் முருகதாஸ் அவர்களிடம் உதவியாளராக இருந்தவர் என்பது குறிப்பிடத்தக்கது. இந்த படத்தின் பாடல்களுக்கு விக்ரம் மற்றும் விஷால் சந்திரசேகர் ஆகியோர் இசையமைத்துள்ளார். இவர்களில் விக்ரம் என்பவர் ஜி.வி.பிரகாஷின் உதவியாளர் ஆவார். இந்த படத்தின் பின்னணி இசையை விஷால் சந்திரசேகர் அமைத்துள்ளார். இந்த படம் வரும் ஜூன் மாதம் வெளியாகவுள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.