பிரமாண்ட இயக்குனர் எஸ்.எஸ்.ராஜமெளலி இயக்கத்தில் பிரபாஸ், ராணா, அனுஷ்கா, தமன்னா நடிப்பில் உருவாகியுள்ள 'பாகுபலி 2' படத்தின் டிரைலர் சமீபத்தில் வெளிவந்து இந்தியாவில் மட்டுமின்றி உலக அளவில் சாதனை செய்தது என்பதை ஏற்கனவே பார்த்தோம்.

இந்நிலையில் டிரைலரில் மட்டுமின்றி ரிலீசிலும் 'பாகுபலி 2' சாதனை செய்யவுள்ளது. வரும் ஏப்ரல் 28ஆம் தேதி உலகம் முழுவதும் வெளியாகவுள்ள இந்த படம் இந்தியாவில் மட்டும் 6500 திரையரங்குகளில் வெளியிட திட்டமிடப்பட்டுள்ளது. இதற்கு முன் இவ்வளவு அதிகமான திரையரங்குகளில் இந்தியாவில் எந்த திரைப்படமும் ரிலீஸ் ஆனதில்லை என்பது குறிப்பிடத்தக்கது.அதுமட்டுமின்றி ரிலீசுக்கு முன்னரே இந்த படம் ரூ.500 கோடி வியாபாரம் ஆகிவிட்டதாகவும் கூறப்படுகிறது.

மேலும் இந்த படம் வட அமெரிக்காவில் 750 திரையரங்குகளில் வெளியாக உள்ளது. உலகின் பல நாடுகளில் இந்த படத்தை பெரும்பாலான திரையரங்குகளில் வெளியிட படக்குழுவினர் திட்டமிட்டுள்ளதாகவும் எந்தெந்த நாடுகளில் எத்தனை திரையரங்குகளில் இந்த படம் ரிலீஸ் ஆகின்றது என்பது குறித்த செய்திகள் விரைவில் வெளிவரும் என்றும் கூறப்படுகிறது.