అర్జున్ రెడ్డి విడుద‌ల త‌ర్వాత ద‌ర్శకుడు సందీప్‌రెడ్డి వంగాకు క్రేజ్ పెరిగింది. చాలా మంది హీరోలు, నిర్మాత‌లు ఈ ద‌ర్శ‌కుడితో సినిమా చేయాల‌ని భావిస్తున్నారు. అయితే ఈ ద‌ర్శ‌కుడు మాత్రం చాలా ప‌ర్టికుల‌ర్‌గానే సినిమాల‌ను ఎంపిక చేసుకుంటున్నాడ‌ట‌. ప్ర‌స్తుతం ఫిలింన‌గ‌ర్‌లో విన‌డ‌పడుతున్న వార్త‌ల ప్ర‌కారం ఈ ద‌ర్శ‌కుడు, హీరో శ‌ర్వానంద్‌తో సినిమా చేయ‌బోతున్నాడు.

ఇద్ద‌రూ క‌లిసి క‌థ డిస్క‌స్ చేశార‌ని, ఇప్పుడు క‌థ సిద్ధం అవుతుంద‌ట‌. త్వ‌ర‌లోనే సినిమా సెట్స్‌లోకి వెళ్ల‌నుంది. చుట్టాల‌బ్బాయి నిర్మాత రామ్ తాళ్ళూరి ఈ సినిమాను నిర్మించ‌బోతున్నారు. శ‌త‌మానం భ‌వ‌తి సినిమా త‌ర్వాత శ‌ర్వానంద్ ఈ నెల 29న మ‌హానుభావుడు సినిమాతో ప్రేక్ష‌కుల‌ను ప‌ల‌క‌రించ‌నున్నారు. ఈ సినిమా త‌ర్వాతే శ‌ర్వానంద్‌, సందీప్ రెడ్డి కాంబినేష‌న్‌లో సినిమా ఉంటుంద‌ట‌.