'பாஸ் என்கிற பாஸ்கரன்' வெற்றி படத்தை அடுத்த இயக்குனர் எம்.ராஜேஷ்-ஆர்யா இணைந்த அடுத்த படமான 'வாசுவும் சரவணனும் ஒண்ணா படிச்சவங்க' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன் பணிகள் விறுவிறுப்பாக நடந்து வருவதை ஏற்கனவே பார்த்தோம். இந்நிலையில் இந்த படத்தின் முதல் டீஸர் நாளை வெளியாகிறது.

VSOP என சுருக்கமாக அழைக்கப்படும் இந்த திரைப்படம் ஆர்யாவின் குவார்ட்டர் சென்சுரி படமாகும். அதாவது 25வது படம் என்பது குறிப்பிடத்தக்கது. ஆர்யா, தமன்னா, சந்தானம், 'தாமிரபரணி' பானு, கருணாகரன், வித்யூலேகா ராமன், ரேணுகா, வெண்ணிற ஆடை மூர்த்தி உள்பட பலர் நடித்திருக்கும் இந்த திரைப்படத்தில் விஷால் சிறப்பு தோற்றத்தில் ஒரு கேரக்டரில் நடித்துள்ளார்.

எம்.ராஜேஷின் மற்ற படங்களை போலவே ரொமான்ஸ் மற்றும் காமெடி கலக்கலில் உருவாகியுள்ள இந்த படம் ஆகஸ்ட் 14ஆம் தேதி ரிலீஸாகும் என எதிர்பார்க்கப்படுகிறது. டி.இமான் இசையமைத்துள்ள இந்த படத்தின் பாடல்கள் மிக விரைவில் ரிலீஸாகவுள்ளது என்பது குறிப்பிடத்தக்கது. நீரவ் ஷா ஓளிப்பதிவு செய்திருக்கும் இந்த படத்தை விவேக் ஹர்ஷன் படத்தொகுப்பு செய்துள்ளார். இந்த படத்தை ஆர்யா மற்றும் பிவிபி நிறுவனம் இணைந்து தயாரித்துள்ளனர்.