ஷாப்பிங் சென்றாரா சசிகலா? வைரலாகும் வீடியோவால் பரபரப்பு
Send us your feedback to audioarticles@vaarta.com
சொத்துக்குவிப்பு வழக்கில் நான்கு ஆண்டுகள் சிறைத்தண்டனை பெற்று பெங்களூர் சிறையில் தண்டனை அனுபவித்து வரும் சசிகலா, சிறையில் தனி சமையல் அறை உள்ளிட்ட வசதிகளை லஞ்சம் கொடுத்து பெற்றதாக முன்னாள் சிறைத்துறை டிஐஜி ரூபா குற்றம் சாட்டியிருந்தார்.
இந்த நிலையில் ரூபா டிரான்ஸ்பர் செய்யப்பட்ட நிலையில் தற்போது புதிய வீடியோ ஒன்று சமூக வலைத்தளங்களிலும் முன்னணி ஊடகங்களிலும் வெளிவந்து பெரும் பரபரப்பை ஏற்படுத்தியுள்ளது. அந்த வீடியோவில் சசிகலாவும், இளவரசியும் ஷாப்பிங் செய்துவிட்டு மீண்டும் சிறைக்குள் திரும்புவது போன்ற காட்சி உள்ளது.
இந்த வீடியோவில் சசிகலா பெங்களூரில் உள்ள பிரபல ஷாப்பிங் மால் ஒன்றின் பை ஒன்றை கையில் வைத்திருந்ததாகவும், இதனால் அவர் ஷாப்பிங் சென்றுவிட்டு வந்திருக்கலாம் என்றும் கூறப்படுகிறது.
ஆனால் இதுகுறித்து கர்நாடக மாநில அதிமுக செயலாளர் புகழேந்தி கூறியபோது, 'பாகுபலி' படத்தையும் மிஞ்சிய கிராபிக்ஸ் வீடியோதான் இது. இதுபோன்ற செயல்களை மேலும் தொடர்ந்தால் இதுகுறித்து துணைபொதுச்செயலாளரிடம் ஆலோசனை கேட்டு வழக்கு தொடரப்படும் என்று கூறினார்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.