மாதவன், விஜய்சேதுபதி முதன்முதலாக இணைந்து நடித்துள்ள 'விக்ரம் வேதா' படம் வெளியாவதற்கு தயாராக உள்ளது. இந்த படத்தின் புரமோஷன் பணிகளும் விறுவிறுப்பாக நடந்து கொண்டிருந்த நிலையில் திடீரென தியேட்டர் வேலைநிறுத்தம் காரணமாக ரிலீஸ் தேதி ஒத்திவைக்கப்பட்டது.

இந்த நிலையில் இந்த படம் குறித்தும் விஜய்சேதுபதியுடன் நடித்தது குறித்தும் மாதவன் கூறியபோது, நானும் விஜய்சேதுபதியும் இந்த படத்தில் எதிரெதிர் கேரக்டர்களில் நடித்துள்ளோம். எனவே படப்பிடிப்பு முடியும் வரை அவரை நேரில் சந்தித்து பேச வேண்டாம் என்று முடிவு செய்திருந்தேன். அப்போதுதான் காட்சிகள் இயல்பாக வரும் என்று எனக்கு ஒரு நம்பிக்கை.

தன்னுடைய கேரக்டர் மட்டும் நன்றாக வரும் என்று விஜய்சேதுபதி நினைத்திருந்தால் இந்த படம் வேற மாதிரி வந்திருக்கும். ஆனால் கமல் எப்படி என்னிடம் நடந்து கொண்டாரோ, அதே மாதிரி விஜய்சேதுபதி மிகவும் பக்குவத்துடன் நடந்து கொண்டார். இப்போது என்னுடைய நண்பர்கள் லிஸ்ட்டில் விஜய்சேதுபதியும் ஒருவர் என்று கூறினார்.