close
Choose your channels

தனுஷின் 'விஐபி 2' பாடல்கள் மற்றும் டிரைலர் ரிலீஸ் தேதி அறிவிப்பு

Wednesday, June 21, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தனுஷ் நடித்த 'விஐபி' திரைப்படம் மிகப்பெரிய வரவேற்பை பெற்று வெற்றி பெற்ற நிலையில் இந்த படத்தின் இரண்டாம் பாகம் தற்போது உருவாகி வருகிறது. 'விஐபி 2' படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படம் ஜூலையில் ரிலீஸ் ஆகும் என்று எதிர்பார்க்கப்படுகிறது.

இந்த நிலையில் இந்த படத்தின் டீசர் சமீபத்தில் வெளியாகி இணையதளங்களில் டிரெண்ட் ஆன நிலையில் இந்த படத்தின் பாடல்கள் மற்றும் டிரைலர் ரிலீஸ் தேதியை இயக்குனர் செளந்தர்யா ரஜினிகாந்த் தன்னுடைய சமூக வலைத்தளத்தில் அதிகாரபூர்வமாக அறிவித்துள்ளார்.

தமிழ், தெலுங்கு மற்றும் இந்தி என மூன்று மொழிகளில் தயாராகி வரும் இந்த படத்தின் பாடல்கள் வரும் 25ஆம் தேதி வெளியாகவுள்ளதாகவும், தமிழ், தெலுங்கு மொழி பதிப்புகளின் டிரைலரும் அதே தினத்தில் வெளியாகும் என்றும் அவர் அறிவித்துள்ளார். இந்தி டிரைலர் ரிலீஸ் தேதி பின்னர் அறிவிக்கப்படும் என்று கூறப்படுகிறது.

தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ள இந்த படத்திற்கு சீன் ரோல்டன் இசையமைத்துள்ளார். சமீர் தாஹிர் ஒளிப்பதிவாளராகவும், சத்யராஜ் நடராஜன் படத்தொகுப்பாளராகவும் பணிபுரிந்துள்ள இந்த படத்தை கலைப்புலி எஸ்.தாணு மற்றும் தனுஷ் இணைந்து தயாரித்துள்ளனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.