கமல்ஹாசன் உட்பட பல பிரபலங்களுடன் நடித்த நடிகை ஊர்வசி, தனது மகளை சினிமாவில் அறிமுகம் செய்ய இருப்பதாக தகவல்கள் வெளியாகி உள்ளன. இதனை அடுத்து ரசிகர்கள் அவருக்கு வாழ்த்துக்களை தெரிவித்து வருகின்றனர்.

பாக்யராஜ் நடித்த, இயக்கிய 'முந்தானை முடிச்சு' என்ற திரைப்படத்தின் மூலம் தமிழ் திரையுலகில் அறிமுகமானவர் நடிகை ஊர்வசி. அதன் பின் ஏராளமான படங்களில் நாயகியாக நடித்தார் என்பதும், குறிப்பாக கமல்ஹாசன் உடன் அவர் நடித்த 'மைக்கேல் மதன காமராஜன்' உட்பட பல படங்கள் சூப்பர் ஹிட் ஆகிய என்பது குறிப்பிடத்தக்கது.

இந்த நிலையில், தற்போதும் ஊர்வசி அம்மா கேரக்டரில் நடித்து வரும் நிலையில், அவரது மகள் தேஜா லட்சுமி, மலையாளத் திரையுலகில் நாயகியாக அறிமுகமாக இருப்பதாக தகவல்கள் வெளியாகி உள்ளன.

'சுந்தரி அவள் ஸ்டெல்லா' என்ற டைட்டிலில் உருவாகும் படத்தில் தான் தேஜா லட்சுமி நாயகியாக அறிமுகமாக இருப்பதாக கூறப்படுகிறது. ஊர்வசியின் மகள் நடிப்பதற்கு, ஊர்வசியின் முதல் கணவரும் சம்மதம் அளித்திருப்பதாகவும், ஊர்வசி தனது மகளிடம் "அப்பாவிடம் சென்று ஆசீர்வாதம் வாங்கி வா" என்று அனுப்பியதாகவும் கூட கூறப்படுகிறது.