പുതുപ്പള്ളിയിൽ 53 വർഷത്തെ ചരിത്രം തിരുത്തും എന്ന് സി.പി.എം. സംസ്ഥാന സെക്രട്ടറി എം വി ഗോവിന്ദൻ മാസ്റ്റർ. എൽ ഡി എഫ് ബഹുദൂരം മുന്നോട്ട് പോയി എന്നും പുതുപ്പള്ളിയിൽ വികസനവും, രാഷ്ട്രീയവും ചർച്ചയായി എന്നും ഗോവിന്ദൻ മാസ്റ്റർ പറഞ്ഞു.

എൽ ഡി എഫ് ഈ മണ്ഡലത്തിൽ ജയിക്കുമെന്നും എൽ ഡി എഫിന് ജയിക്കാൻ ആവശ്യമായ വോട്ട് പുതുപ്പള്ളിയിലെ ജനങ്ങൾ നൽകുമെന്നും ഗോവിന്ദൻ മാസ്റ്റർ പറഞ്ഞു. ഏകപക്ഷീയമായ വിജയം യുഡിഎഫിന് ഉണ്ടാവില്ല. പുതുപ്പള്ളിയിലെ വികസന വിഷയങ്ങൾ അടക്കം തെരഞ്ഞെടുപ്പിൽ ചർച്ചയാകുമെന്നും എം വി ഗോവിന്ദൻ പറഞ്ഞു. ഉമ്മൻചാണ്ടിയെ മാത്രം മുന്നിൽ നിർത്തിയാണ് യുഡിഎഫ് മത്സരിക്കുന്നത്. ഉമ്മൻചാണ്ടിയോടുള്ള വൈകാരികത എല്ലാരോടും ഉണ്ടാവില്ല. പുതുപ്പള്ളിയിൽ രാഷ്ട്രീയ മത്സരമാണെന്നും അദ്ദേഹം കൂട്ടിച്ചേർത്തു. ഇടതു പക്ഷത്തിൻ്റെ സാധ്യത തള്ളിക്കളയാനാകില്ല, യുഡിഎഫ് കരുതും പോലെ ഈസി വാക്ക് ഓവർ ആയിരിക്കില്ല എന്നും എം വി ഗോവിന്ദന്‍ വ്യക്തമാക്കി.