పవన్ కాకినాడ సభలో ఒకరు మృతి
- IndiaGlitz, [Friday,September 09 2016]
జ‌న‌సేన పార్టీ అధినేత, ప‌వ‌ర్ స్టార్ పవన్ క‌ళ్యాణ్ ఈరోజు కాకినాడ‌లో సీమాంధ్రుల ఆత్మ‌గౌర‌వం పేరుతో బ‌హిరంగం స‌భ‌ను ఏర్పాటు చేసారు. ఈ సభలో పవన్ క‌ళ్యాణ్ కేంద్రం ఇచ్చింది ప్యాకేజ్ కాదు పాచిపోయిన ల‌డ్డు. ఈ పాచిపోయిన ల‌డ్డు తీసుకుంటారో..? విసిరి వాళ్ల ముఖం పై కొడ‌తారా..? మీ ఇష్టం అంటూ నిర్ణ‌యం చంద్ర‌బాబుకే వ‌దిలేసారు. ఇదిలా ఉంటే.... స‌భ పూర్త‌యిన అనంత‌రం తొక్కిస‌లాట జ‌రిగింద‌ట. ఈ ఘ‌ట‌న‌లో ఇద్ద‌ర‌కి గాయాల‌య్యాయి అని స‌మాచారం. వారిలో ఒకరు చికిత్స పొందుతూ మృతి చెందారు. మ‌ర‌ణించిన అభిమానిని తూర్పు గోదావ‌రి జిల్లా ద్రాక్షారామం మండ‌లం కుయ్యేరుకు చెందిన శ్రీనివాస్ గా గుర్తించారు. చికిత్స పొందుతున్న మ‌రో అభిమానిని వై.రామ‌వ‌రం గ్రామ‌స్థుడుగా గుర్తించారు.