'భలే భలే మగాడివోయ్ ' కి రెండేళ్లు
- IndiaGlitz, [Monday,September 04 2017]
మ‌తిమ‌రుపు అనేది ప్ర‌తి ఒక్క‌రికి ఉంటుంది. కాక‌పోతే.. ఒక్కొక్క‌రిలో ఒక్కోలా ఉంటుంది. మ‌తిమ‌రుపు స్థాయి ఎక్కువై.. చేయాల్సిన ప‌నిని మ‌రిచిపోయి మ‌రొక ప‌నిలో బిజీగా అయిపోతుంటారు కొంద‌రు. అలాంటి కొంద‌రిలో ల‌క్కీ ఒక‌డు. ఆ ల‌క్కీ చుట్టూ తిరిగే క‌థే 'భలే భలే మగాడివోయ్'.
ల‌క్కీ మ‌తిమ‌రుపు, దాని వ‌ల్ల అత‌ను ఎదుర్కొనే క‌ష్టాలు, అత‌ని ప్రేమ‌క‌థ.. ఈ అంశాల చుట్టూ వినోదాత్మ‌కంగా అల్లుకున్న ఈ సినిమాలో ల‌క్కీగా నాని న‌ట‌న స‌హ‌జంగా ఉంటుంది. లావ‌ణ్య త్రిపాఠి హీరోయిన్‌గా నటించిన ఈ సినిమాకి మారుతి ద‌ర్శ‌కుడు. గోపీసుంద‌ర్ సంగీతం అల‌రించేలా ఉంటుంది. సెప్టెంబ‌ర్ 4, 2015న విడుద‌లైన 'భలే భలే మగాడివోయ్' నేటితో రెండేళ్ల‌ను పూర్తిచేసుకుంటోంది.