பிரபல இயக்குனர் ஒருவர் இயக்கி வரும் படத்தில் ஹீரோ, 250 பெண் ஸ்டண்ட் கலைஞர்களுடன் மோதும் காட்சி படமாக்கப்பட்டதாக தகவல் வெளியாகியுள்ளது.

பிரபல இயக்குனர் அட்லி இயக்கத்தில் ஷாருக்கான் நடிப்பில் உருவாகி வரும் படம் ‘ஜவான்’. நயன்தாரா மற்றும் தீபிகா படுகோன் நாயகிகளாக நடித்து வரும் இந்த படம் தமிழ், தெலுங்கு, மலையாளம், கன்னடம், இந்தி போன்ற மொழிகளில் உருவாகி வருகிறது. ஷாருக்கானின் ரெட் சில்லீஸ் என்டர்டெயின்மென்ட் நிறுவனம் தயாரித்து வரும் இந்த படத்திற்கு அனிருத் இசை அமைக்கிறார். அடுத்த ஆண்டு இந்த படம் வெளியாகும் என ஏற்கனவே அறிவிக்கப்பட்டுள்ளது.

இந்த நிலையில் தற்போது சென்னை அருகே பிரம்மாண்டமான செட்டில் இந்த படத்தின் படப்பிடிப்பு நடைபெற்று வருகிறது. இந்த படப்பிடிப்பில் 200 முதல் 250 பெண் ஸ்டண்ட் கலைஞர்கள் பங்கேற்று இருப்பதாகவும் ஷாருக்கானுடன் அவர்கள் மோதும் காட்சி படமாக்கப்பட்டு இருப்பதாகவும் இந்த பெண் ஸ்டண்ட் கலைஞர்கள் மும்பையிலிருந்து சென்னைக்கு வரவழைக்கப்பட்டதாகவும் கூறப்படுகிறது. இந்த தகவல் திரையுலகினர் மத்தியில் பெரும் ஆச்சரியத்தை ஏற்படுத்தியுள்ளது.