close
Choose your channels

తెలంగాణలో కొత్తగా 2511 కేసులు..

Saturday, September 5, 2020 • తెలుగు Comments

తెలంగాణలో కరోనా విజృంభణ కొనసాగుతోంది. నేడు రాష్ట్రంలో 2500కి పైగా కేసులు నమోదయ్యాయి. తెలంగాణ కరోనా హెల్త్ బులిటెన్‌ను శనివారం తెలంగాణ వైద్య ఆరోగ్యశాఖ విడుదల చేసింది. తెలంగాణలో గడిచిన 24 గంటల్లో 62,132 శాంపిళ్లను పరీక్షించగా.. కొత్తగా 2511 కరోనా పాజిటివ్ కేసులు నమోదయ్యాయి. దీంతో రాష్ట్రంలో ఇప్పటి వరకూ కేసుల సంఖ్య 1,38,395కి చేరుకుంది.

కాగా.. రాష్ట్రంలో గడిచిన 24 గంటల్లో కరోనా కారణంగా 11 మంది మృతి చెందగా.. ఇప్పటి వరకూ మొత్తం మృతుల సంఖ్య 877కి చేరుకుందని వైద్య ఆరోగ్యశాఖ వెల్లడించింది. ప్రస్తుతం రాష్ట్రంలో 32,915 యాక్టివ్ కేసులుండగా.. గడిచిన 24 గంటల్లో 2,579 మంది కోలుకున్నారు. దీంతో ఇప్పటి వరకూ కోలుకున్న వారి సంఖ్య 1,04,603కి చేరుకుంది. ఇంకా 3,145 పరీక్షలకు సంబంధించిన రిపోర్టులు రావాల్సి ఉంది.

రాష్ట్రంలో అత్యధికంగా జీహెచ్ఎంసీ పరిధిలో 305 కేసులు నమోదు కాగా.. కరీంనగర్- 150, ఖమ్మం 142, మేడ్చెల్- 134, నల్గొండ- 170, రంగారెడ్డి- 184, సిద్దిపేట- 80, సూర్యాపేట- వరంగల్ అర్బన్- 97 కేసులు నమోదయ్యాయి. ప్రస్తుతం హోమ్ ఐసోలేషన్‌లో 25,729 ఉన్నట్లు వైద్యశాఖ వెల్లడించింది. రాష్ట్రంలో మరణాల రేటు 0.63 శాతం ఉండగా.. రికవరీ రేటు 75.5 శాతంగా ఉంది.

Get Breaking News Alerts From IndiaGlitz