'బాహుబలి' కంటే 'రుద్రమదేవి' బెస్ట్
- IndiaGlitz, [Thursday,November 07 2013]
నేడు అందాల నటి అనుష్క పుట్టిన రోజు సందర్భంగా. ఆమె కథానాయికగా నటిస్తున్న రెండు ప్రతిష్ఠాత్మక చిత్రాల ఫస్ట్ లుక్ ని విడుదల చేశారు సదరు చిత్ర యూనిట్ లు. ఆ రెండు సినిమాలే 'రుద్రమదేవి, బాహుబలి'. గుణశేఖర్ దర్శకత్వంలో రూపొందుతున్న 'రుద్రమదేవి'కి సంబంధించిన ఫస్ట్ లుక్ ని అనుష్క బర్త్ డేకి ఒక రోజు ముందుగా (పత్రికలలో ప్రచురణార్థం) విడుదల చేస్తే.. 'బాహుబలి' మేకింగ్ వీడియో (అనుష్కకి సంబంధించి)ని ఇవాళ ఉదయం రిలీజ్ చేసారు.
ఈ రెండు గెటప్ లలోనూ అనుష్క చాలా బాగుందంటూ ప్రశంసలు లభిస్తున్నాయి. 'రుద్రమదేవి'లో అనుష్క టైటిల్ పాత్రలో నటిస్తుంటే.. 'బాహుబలి'లో అనుష్క పాత్ర పేరు దేవసేన. ఈ పాత్ర కూడా రుద్రమదేవిలా వీరోచితంగా ఉందని ఫస్ట్ లుక్ చూస్తేనే అర్థమౌతోంది. అయితే రెండింటిలో 'రుద్రమదేవి'లోని గెటప్ నే 'బాహుబలి'లోని దేవసేన గెటప్ కంటే అనుష్కకి బాగా కుదిరిందని విశ్లేషకులు భావిస్తున్నారు.