தமிழகத்தில் இன்று கொரோனாவால் பாதிப்பு அடைந்தவர்கள் எத்தனை பேர்?
- IndiaGlitz, [Friday,May 22 2020]
தமிழகத்தில் இன்று கொரோனா வைரஸால் பாதிக்கப்பட்டவர்களின் எண்ணிக்கை குறித்த தகவலை சற்றுமுன் சுகாதாரத்துறை வெளியிட்டுள்ளது. இதன்படி தமிழகத்தில் இன்று கொரோனாவால் பாதிக்கப்பட்டவர்களின் எண்ணிக்கை 786 எனவும், இதனால் தமிழகத்தில் கொரோனாவால் பாதிக்கப்பட்டவர்களின் மொத்த எண்ணிக்கை 14753 ஆக உயர்ந்துள்ளது என்பதும் குறிப்பிடத்தக்கது.
இன்று தமிழகத்தில் கொரோனாவால் பாதிக்கப்பட்ட 569 பேர் சென்னையை சேர்ந்தவர்கள் என்பதும், இதனையடுத்து சென்னையில் கொரோனாவால் பாதிக்கப்பட்டவர்களின் மொத்த எண்ணிக்கை 9364ஆக அதிகரித்துள்ளது என்பது குறிப்பிடத்தக்கது
மேலும் இன்று கொரோனாவில் இருந்து 846 பேர்கள் குணமாகியுள்ளனர் என்பதும், கொரோனாவில் இருந்து குணமாகியவர்களின் மொத்த எண்ணிக்கை 7128 என்பதும் குறிப்பிடத்தக்கது. மேலும் தமிழகத்தில் இன்று மேலும் 4 பேர் கொரோனா தொற்றால் உயிரிழந்துள்ளதால் தமிழகத்தின் மொத்த பலி எண்ணிக்கை 98ஆக உயர்ந்துள்ளது
மேலும் இன்று 12046 பேர்களுக்கு கொரோனா பரிசோதனை செய்யப்பட்டுள்ளது என்பதும், இதனையடுத்து தமிழகத்தில் மொத்தம் 367,939 பேர்களுக்கு கொரோனா பரிசோதனை செய்யப்பட்டது என்பதும் குறிப்பிடத்தக்கது