தளபதி 66: விஜய் சகோதரராக 90களின் வெள்ளிவிழா நாயகன்?
- IndiaGlitz, [Tuesday,April 19 2022]
தளபதி விஜய் நடித்து வரும் ’தளபதி 66’ திரைப்படத்தில் 90களில் வெள்ளி விழாப் படங்களை கொடுத்த நடிகர் நடிக்க இருப்பதாக தகவல் வெளியாகியுள்ளது.
தளபதி விஜய் நடிப்பில், வம்சி இயக்கத்தில், தில் ராஜூ தயாரிப்பில் உருவாகிவரும் ’தளபதி 66’ திரைப்படத்தில் சரத்குமார் விஜய்யின் தந்தையாக நடிக்க இருக்கிறார் என்ற செய்தியை ஏற்கனவே பார்த்தோம். மேலும் விஜய்யின் சகோதரர்களாக 90களில் பிரபலமான இரண்டு ஹீரோக்களிடம் பேச்சுவார்த்தை நடைபெற்று வருவதாகவும் தகவல் வெளியானது.
இந்த நிலையில் தற்போது வந்த தகவலின்படி கடந்த 90 களில் பல வெள்ளிவிழா திரைப்படங்களை கொடுத்த நடிகர் மோகன், விஜய்யின் ஒரு சகோதரராக நடிக்கவிருப்பதாக கூறப்படுகிறது.
நீண்ட இடைவெளிக்குப் பின்னர் நடிகர் மோகன் தற்போது ‘ஹரா’ என்ற திரைப்படத்தில் நடித்து வரும் நிலையில் தற்போது விஜய் படத்திலும் அவர் நடிக்க இருப்பதாக வெளிவந்திருக்கும் தகவல் ஆச்சரியத்தை ஏற்படுத்தியுள்ளது. இதுகுறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.