நடிகர் மற்றும் இயக்குனர் சீமான் நடிக்க இருக்கும் அடுத்த திரைப்படத்திற்கு சூப்பர் ஸ்டார் ரஜினியின் பட டைட்டில் வைக்கப்பட்டு அதற்கான போஸ்டரும் வெளியாகி உள்ள நிலையில், அந்த போஸ்டர் தற்போது இணையத்தில் வைரல் ஆகி வருகிறது.

நடிகர் மற்றும் இயக்குனர் சீமான் தற்போது முழு நேர அரசியலில் பிஸியாக இருந்தாலும், அவ்வப்போது சில படங்களில் நடித்து வருகிறார் என்பதும், சமீபத்தில் கூட அவர் விக்னேஷ் சிவன் இயக்கத்தில் உருவாகி வரும் ’லவ் இன்சூரன்ஸ் கம்பெனி’ என்ற திரைப்படத்தில் முக்கிய கேரக்டரில் நடித்து வருகிறார் என்பதும் தெரிந்தது.

இந்த நிலையில், தற்போது அவர் முக்கிய வேடத்தில் நடிக்க இருக்கும் படம் குறித்து அறிவிப்பு வெளியாகி உள்ளது. இந்த படத்திற்கு ’சீமானின் தர்மயுத்தம்’ என்ற டைட்டில் வைக்கப்பட்டுள்ளது.

’தர்மயுத்தம்’ என்ற டைட்டில், சூப்பர் ஸ்டார் ரஜினிகாந்த் நடித்த திரைப்படம் ஒன்று கடந்த 1979 ஆம் ஆண்டு வெளியான நிலையில், தற்போது கிட்டத்தட்ட அதே டைட்டில் ஒரு திரைப்படம் அறிவிக்கப்பட்டுள்ளது.

தீர விசாரிப்பதே மெய் என்ற ஹேஷ்டேக் உடன் வெளியான இந்த போஸ்டரில், சீமான், அனு சித்தாரா மற்றும் ஆர்கே சுரேஷ் ஆகியோர் இந்த படத்தில் முக்கிய கேரக்டரில் நடிக்க இருப்பதாக அறிவிக்கப்பட்டுள்ளது.

ஆர் சுப்பிரமணியம் என்பவர் எழுதி இயக்கும் இந்த படத்தை ஆதம்பாவா மற்றும் சிவக்குமார் ஆகியோர் தயாரித்து வருகின்றனர்.

விஷால் சந்திரசேகர் இசையில், வைரமுத்து பாடல் வரிகளில், செழியன் ஒளிப்பதிவில், புவன் ஸ்ரீனிவாசன் படத்தொகுப்பில் இந்த படம் உருவாக உள்ளது என்பது குறிப்பிடத்தக்கது.

#சீமானின்தர்மயுத்தம் #DharmaYutham @Moonpictures5 @adham_bava #planet9pictures #RKsivakumar
A #R_subramanian Directorial @Seeman4TN @studio9_suresh @i_anusithara @Composer_Vishal @johnmediamanagr @mediaboy_off#சீமானின்தர்மயுத்தம் pic.twitter.com/b77EHPfZmA

— Adham Bava (@adham_bava) April 25, 2025