பிரதீப் ரங்கநாதன் நடித்துள்ள ‘டிராகன்’ திரைப்படத்தில் ஒரு முக்கியமான கேமியோ உள்ளது. ஆனால், அந்த கேமியோ சிம்பு அல்ல என்று இயக்குனர் அஸ்வத் மாரிமுத்து சமீபத்தில் அளித்த பேட்டியில் தெரிவித்துள்ளார்.

பிரதீப் ரங்கநாதன் நடிப்பில், அஸ்வத் மாரிமுத்து இயக்கத்தில் உருவாகியுள்ள ‘டிராகன்’ திரைப்படம் இம்மாதம் வெளியாக உள்ளது. இதற்கான புரமோஷன் நடவடிக்கையாக, இயக்குனர் மற்றும் நட்சத்திரங்கள் பல ஊடகங்களுக்கு பேட்டிகள் வழங்கி வருகின்றனர்.

அந்த வகையில், ஒரு பேட்டியில் ‘டிராகன்’ திரைப்படத்தில் சிம்பு நடிக்கிறாரா? என்ற கேள்விக்கு பதிலளித்த இயக்குனர், "கண்டிப்பாக அவர் நடிக்கவில்லை," என்று கூறினார். ஆனால், அதே நேரத்தில் சினேகா அவர்கள் இப்படத்தில் கேமியோவில் நடித்திருக்கிறார்கள், இது டிரைலரிலேயே காணலாம். மேலும், ஒரு முக்கியமான கேமியோ இருக்கிறது, அது யார் என்பதை கண்டுபிடியுங்கள்!" என்று அஸ்வத் மாரிமுத்து குறிப்பிட்டுள்ளார்.

இதையடுத்து, ரசிகர்கள் அந்த கேமியோ விஜய் சேதுபதி, சிவகார்த்திகேயன், நயன்தாரா ஆகியோரில் ஒருவராக இருக்கலாம் என்று தங்களது கருதுக்களை பகிர்ந்து வருகின்றனர். உண்மையில் அந்த கேமியோ யார் என்பதை படம் வெளியாகும் வரை பொறுத்திருந்து பார்ப்போம்!