ரஜினியின் 'கபாலி'யில் இணைந்த ஆம்புலன்ஸ் டிரைவர்
- IndiaGlitz, [Wednesday,October 07 2015]
சூப்பர் ஸ்டார் ரஜினிகாந்த் நடித்து வரும் 'கபாலி' படத்தின் படப்பிடிப்பு சென்னையில் உள்ள ஒரு ஸ்டுடியோவில் கடந்த சில நாட்களாக நடைபெற்று வந்த நிலையில், தற்போது அடுத்த கட்டமாக சென்னை அருகேயுள்ள பின்னி மில்லில் படப்பிடிப்பு தொடங்கியுள்ளது. இங்கு பத்து நாட்கள் படப்பிடிப்பு நடைபெறவுள்ளதாகவும், இந்த படப்பிடிப்பை அடுத்து படக்குழுவினர் மலேசியா செல்லவுள்ளதாகவும் கூறப்படுகிறது.
இந்நிலையில் 'கபாலி' படத்தில் புதியதாக ஒரு நடிகர் இணைந்துள்ளதாக கூறப்படுகிறது. கேங்ஸ்டார் படமான இந்த படத்தில் கேங்ஸ்டார் கூட்டத்தின் ஒரு முக்கிய கேரக்டரில் 'ஆரஞ்சு மிட்டாய்' படத்தில் ஆம்புலன்ஸ் டிரைவராக நடித்த நடிகர் ஆறுமுகம் பாலா நடிக்கவுள்ளதாக கூறப்படுகிறது. இவர் மலேசிய படப்பிடிப்பின்போது படக்குழுவினர்களுடன் இணைந்து கொள்வார் என தெரிகிறது.
ரஜினிகாந்த், ராதிகா ஆப்தே, தன்ஷிகா, 'மெட்ராஸ்' கலையரசன், 'அட்டக்கத்தி' தினேஷ் உள்பட பலர் நடித்துள்ளனர். சந்தோஷ் நாராயணன் இசையமைக்கும் இந்த திரைப்படத்தை கலைப்புலி எஸ்.தாணு பெரும் பொருட்செலவில் தயாரித்து வருகிறார்.