close
Choose your channels

இன்று தல அஜித்தின் 'வலிமை' அப்டேட்? ரசிகர்கள் உற்சாகம்!

Tuesday, September 21, 2021 • தமிழ் Comments

இன்று தல அஜித் நடித்த ‘வலிமை’ திரைப்படத்தின் புதிய போஸ்டர் ஒன்று வெளியாக இருப்பதாக நம்பத்தகுந்த வட்டாரங்களில் இருந்து தகவல் வெளிவந்து உள்ளதால் அஜித் ரசிகர்கள் மிகவும் உற்சாகமாக உள்ளனர்.

அஜித் நடிப்பில், எச் வினோத் இயக்கத்தில், யுவன் சங்கர் ராஜா இசையில், போனிகபூர் தயாரிப்பில் உருவாகியுள்ள திரைப்படம் ‘வலிமை’. இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன என்பது குறிப்பிடத்தக்கது.

மேலும் இந்த படத்தின் ரிலீஸ் தேதியுடன் கூடிய புதிய போஸ்டர் மற்றும் டீசர் விரைவில் வெளியாகும் என்று எதிர்பார்க்கப்படுகிறது. இந்த நிலையில் இன்று ‘வலிமை’ படத்தின் வில்லன் கேரக்டரில் நடித்த கார்த்திகேயாவுக்கு பிறந்தநாளை அடுத்து கார்த்திகேயாவின் ‘வலிமை’ போஸ்டர் ஒன்று வெளியாக இருப்பதாக தகவல் வந்துள்ளது. இதனால் அஜீத் ரசிகர்கள் இந்த போஸ்டரை எதிர்நோக்கி மிகுந்த உற்சாகத்துடன் காத்திருக்கின்றனர் என்பது குறிப்பிடத்தக்கது.

அஜித், ஹூமா குரேஷி, கார்த்திகேயா, சுமித்ரா, யோகிபாபு, புகழ், உள்ளிட்ட பலர் நடித்த இந்த படத்திற்கு யுவன்ஷங்கர் ராஜா இசையமைத்து வருகிறார். நீரவ் ஷா ஒளிப்பதிவில் விஜய் வேலுக்குட்டி படத்தொகுப்பில் உருவாகியுள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz