புரூஸ்லீ வாழ்க்கை வரலாறு படத்தில் ஏ.ஆர்.ரஹ்மான்
- IndiaGlitz, [Friday,August 11 2017]
உலக அளவில் பிரபலமான தற்காப்பு கலைஞர் மற்றும் நடிகரான புரூஸ்லீ வாழ்க்கை வரலாறு திரைப்படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளதாக செய்திகள் வெளிவந்துள்ளது.
பிரபல பாலிவுட் இயக்குனர் சேகர்கபூர், புரூஸ்லீயின் வாழ்க்கை வரலாறு திரைப்படத்தை இயக்கவுள்ளார். இந்த படத்தின் ஆரம்பகட்ட பணிகள் நடைபெற்று வரும் நிலையில் இந்த படத்திற்கு ஏ.ஆர்.ரஹ்மான் இசையமைக்கவுள்ளதாக அவர் அறிவித்துள்ளார்.
இந்த படம் கடந்த 1950ஆம் ஆண்டுகளில் ஹாங்காங் நாட்டின் சமூக மற்றும் அரசியல் நிலையையும், அந்த சூழ்நிலையில் தற்காப்பு கலைஞராகவும், நடிகராகவும் இருந்த புரூஸ்லீயின் வாழ்க்கையில் நடந்த நிகழ்ச்சிகளின் தொகுப்பாகவும் இருக்கும் என்று சேகர் கபூர் தெரிவித்துள்ளார்.