ఆర్తి అగర్వాల్ బాటలో నయనతార వెళుతుందా?
- IndiaGlitz, [Thursday,April 07 2016]
ప‌ద‌కొండేళ్ల క్రితం అందాల తార ఆర్తి అగర్వాల్ ఓ క్రెడిట్‌ని త‌న సొంతం చేసుకుంది. మ‌ళ్లీ ఇప్పుడు అదే దిశ‌గా మ‌రో తార ప్ర‌య‌త్నం చేస్తోంది. ఆ తార మ‌రెవ‌రో కాదు నయనతార. ఇంత‌కీ ఆ క్రెడిట్ ఏమిటంటే.. విక్ట‌రీ వెంక‌టేష్‌తో ముచ్చ‌ట‌గా మూడోసారీ విజ‌యం సొంతం చేసుకోవ‌డం. 'నువ్వు నాకు న‌చ్చావ్‌', 'వ‌సంతం', 'సంక్రాంతి'.. ఇలా వెంకీతో న‌టించిన ప్ర‌తిసారీ త‌న ఖాతాలో ఓ విజ‌యం వేసుకుంది అప్ప‌టి సంచ‌ల‌న తార ఆర్తి అగర్వాల్.
ఆ త‌రువాత శ్రియ, త్రిష లాంటి వారు మూడేసి సార్లు వెంక‌టేష్ తో జ‌త‌క‌ట్టినా ఇలా వ‌రుస‌గా విజ‌యాల‌ను మాత్రం త‌మ జాబితాలో వేసుకోలేక‌పోయారు. ఈ నేప‌థ్యంలో 'ల‌క్ష్మీ', 'తుల‌సి' చిత్రాలతో రెండు వ‌రుస విజ‌యాల‌ను వెంకీ కాంబినేష‌న్‌లో అందుకున్న న‌య‌న 'బాబు బంగారం'తో మూడో ప్ర‌య‌త్నం చేస్తోంది. మ‌రి ఆర్తి బాట‌లోనే న‌య‌న కూడా వెళుతుందో లేదో తెలియాలంటే జులై వ‌రకు వేచి చూడాల్సిందే.