நடிகர் ரவி மோகன் மற்றும் அவரது மனைவி ஆர்த்தி ஆகியோர் பிரிய முடிவு செய்த நிலையில், இவர்களது விவாகரத்து வழக்கு இன்று நீதிமன்றத்தில் விசாரணைக்கு வந்தது.

இன்றைய விசாரணையின் போது, ரவி மோகன் மற்றும் ஆர்த்தி இருவரும் நேரில் ஆஜரானார்கள். அப்போது, ஆர்த்தியுடன் சேர்ந்து வாழ விருப்பமில்லை என்றும், விவாகரத்து வழங்க வேண்டும் என்றும், சேர்ந்து வாழ வேண்டும் என்ற ஆர்த்தியின் கோரிக்கையை நிராகரிக்க வேண்டும் என்றும், ரவி மோகன் தரப்பில் மனு தாக்கல் செய்யப்பட்டது.

அதேபோல், ரவி மோகனை பிரிவதற்கு மாதம் 40 லட்சம் ரூபாய் ஜீவனாம்சம் வேண்டும் என்று, ஆர்த்தி தரப்பில் புதிய மனுவும் தாக்கல் செய்யப்பட்டுள்ளது.

இந்த இரு மனுக்களுக்கு பதில் அளிக்க இருவருக்கும் நீதிமன்றம் உத்தரவு வழங்கி, விசாரணையை ஜூன் 12ம் தேதிக்கு ஒத்திவைத்தது.

ரவி மோகனை பிரிய, மாதம் 40 லட்சம் ரூபாய் ஜீவனாம்சம் வேண்டும் என்ற ஆர்த்தியின் கோரிக்கை திரை உலகத்தில் பெரும் பரபரப்பை ஏற்படுத்தியுள்ளது.