close
Choose your channels

ఆచార్య అప్డేట్: చిరు, చరణ్ పిక్ చూశారా, ఇక రెండు సాంగ్స్ మాత్రమే!

Thursday, August 5, 2021 • తెలుగు Comments

మెగాస్టార్ చిరంజీవి నటిస్తున్న ఆచార్య చిత్రంపై ఎలాంటి అంచనాలు ఉన్నాయో ప్రత్యేకంగా చెప్పనవసరం లేదు. పరాజయం ఎరుగని కొరటాల శివ దర్శకత్వంలో ఈ చిత్రం తెరకెక్కుతుండడంతో మెగా ఫ్యాన్స్ ఈ చిత్రంపై భారీ అంచనాలు పెట్టుకుని ఉన్నారు.

ఆ మధ్యన విడుదలైన టీజర్ అంచనాలని తారాస్థాయికి చేర్చింది. కొరటాల శివ తన మార్క్ దర్శకత్వంతో మెసేజ్, కమర్షియల్ అంశాలని మిళితం చేసి ఈ చిత్రాన్ని తెరకెక్కిస్తున్నారు. కరోనా కారణంగా ఈ చిత్ర షూటింగ్ పలుమార్లు వాడిదా పడుతూ వచ్చింది. దీనితో అభిమానులకు పడిగాపులు తప్పలేదు.

ఇటీవల బడా చిత్రాలన్నీ రిలీజ్ డేట్లు ఖరారు చేసుకున్నాయి. దీనితో ఆచార్య చిత్రం నుంచి కూడా అప్డేట్ కావాలని ఫ్యాన్స్ సోషల్ మీడియాలో రచ్చ షురూ చేశారు. దీనితో చిత్ర యూనిట్ తాజాగా ఆచార్య అప్డేట్ అందించింది. అప్డేట్ తో పాటు రాంచరణ్, చిరంజీవి నక్సలైట్స్ ని తలపించే కాస్ట్యూమ్స్ లో ఉన్న లొకేషన్ పిక్ ని షేర్ చేశారు.

ఆచార్య టాకీ పార్ట్ మొత్తం పూర్తయిందని, ఇక రెండు సాంగ్స్ ని చిత్రీకరించాల్సి ఉందని ప్రకటించారు. రిలీజ్ డేట్ మాత్రం ప్రకటించలేదు. ఈ చిత్రం దసరా సీజన్లో రానున్నట్లు సోషల్ మీడియాలో ప్రచారం జరుగుతోంది. మెగాస్టార్ కు జోడిగా ఈ మూవీలో కాజల్ అగర్వాల్ అవకాశం దక్కించుకుంది. రాంచరణ్ సిద్ధ పాత్రలో కీలకమైన కామియో రోల్ చేస్తున్నాడు. మణిశర్మ సంగీత దర్శకుడు.

Get Breaking News Alerts From IndiaGlitz