பிரபல நடிகருக்கு கோல்டன் விசா வழங்கி கவுரவித்த ஐக்கிய அரபு அமீரகம்!
- IndiaGlitz, [Thursday,April 21 2022]
தென்னிந்திய சினிமாவில் முக்கிய நடிகராகவும் தென்னிந்திய நடிகர் சங்கத் தலைவராகவும் இருந்துவரும் நடிகர் நாசருக்கு ஐக்கிய அரபு அமீரகம் கோல்டன் விசா வழங்கி கவுரவித்துள்ளது.
தமிழ், தெலுங்கு, மலையாளம், இந்தி, ஆங்கிலம், வங்காளம் என்று பன்மொழித் திரைப்படங்களில் நேர்த்தியான நடிப்பை வெளிப்படுத்தி ரசிகர்களின் மனதைக் கவர்ந்தவர் நடிகர் நாசர். இவர் தற்போது தென்னிந்திய நடிகர் சங்கத் தலைவராக இருந்து வருகிறார். இந்நிலையில் அவருக்கு ஐக்கிய அரபு அமீரகம் சார்பாக கோல்டன் விசா வழங்கி கவுரவிக்கப்பட்டு உள்ளது.
சமீபகாலமாகப் பல்வேறு துறைகளைச் சார்ந்த ஆளுமைகளுக்கு ஐக்கிய அரபு அமீரகம் கோல்டன் விசாவை வழங்கி கவுரவித்து வருகிறது. அந்த வகையில் மலையாளம், இந்தி போன்ற பல சினிமா பிரபலங்களுக்கு கோல்டன் விசா வழங்கப்பட்டுள்ள நிலையில் தமிழில் நடிகர் பார்த்திபன், விஜய் சேதுபதி, நடிகை த்ரிஷா, ஆண்ட்ரியா, ராய் லட்சுமி, மீனா போன்றோருக்கு இந்த கோல்டன் விசா வழங்கப்பட்டு உள்ளது. தற்போது நடிகர் நாசருக்கு இந்த கவுரம் அளிக்கப்பட்டு இருப்பதும் குறிப்பிடத்தக்கது.