கார் விபத்தில் சிக்கிய பிரபல நடிகர்!
- IndiaGlitz, [Wednesday,November 13 2019]
’இதுதாண்டா போலீஸ்’ உள்பட ஒருசில தமிழ் படங்களிலும் பல தெலுங்கு திரைப்படங்களிலும் நடித்தவர் நடிகர் ராஜசேகர். இவர் இன்று அதிகாலை ஐதராபாத்தில் உள்ள ராமோஜிராவ் பிலிம் சிட்டியில் இருந்து தனது வீட்டிற்கு காரில் சென்று கொண்டிருந்தார். அப்போது அவர் சென்ற கார் பெத்த கோல்கொண்டா என்ற பகுதியில் சென்றபோது திடீரென விபத்துக்குள்ளானது
இந்த நிலையில் விபத்தில் சிக்கிய நடிகர் ராஜசேகரை அந்த பகுதியில் இருந்தவர்கள் காரில் இருந்து வெளியேற்றி காப்பாற்றினார். அவரது காரில் பாதுகாப்பு பலூனில் இருந்ததால் அவர் காயமின்றி உயிர் தப்பினார்
இந்த நிலையில் காரில் இருந்து மீட்கப்பட்டவுடன் விபத்து குறித்து தனது மனைவி மற்றும் காவல்துறையினருக்கு டாக்டர் ராஜசேகர் தகவல் அளித்தார். காவல்துறையினர் விரைந்து வந்து விபத்து குறித்து டாக்டர் ராஜசேகரிடம் விசாரணை நடத்தினர். அதன்பின் அவர் தன மனைவி ஜீவிதாவின் காரில் வீட்டிற்கு சென்றதாக தகவல்கள் வெளியாகியுள்ளன. தற்போது ராஜசேகர் முழு ஓய்வில் இருப்பதாகவும் ஒரு சில நாட்கள் அவர் படப்பிடிப்பில் கலந்து கொள்ள மாட்டார் என்றும் கூறப்படுகிறது