பில்கேட்ஸை சந்தித்த பிரபல நடிகரின் மனைவி
- IndiaGlitz, [Wednesday,November 20 2019]
மைக்ரோசாஃப்ட் தலைவரும் உலகின் நம்பர் ஒன் பணக்காரருமான பில் கேட்ஸ் கடந்த சில நாட்களாக இந்தியாவில் சுற்றுப்பயணம் செய்து வருகிறார் என்பது தெரிந்ததே. அவர் சமீபத்தில் பிரதமர் மோடி உள்பட முக்கிய பிரபலங்களை சந்தித்து வருகிறார்
இந்த நிலையில் தெலுங்கு சூப்பர்ஸ்டார் ராம் சரணின் மனைவி உபாசனா காமினேனி கொனிதேலா நேற்று பில்கேட்ஸ் அவர்களை மரியாதை நிமித்தமாக சந்தித்து உள்ளார். பெங்களூரில் நடந்த இந்த சந்திப்பால் தனக்கு மிகுந்த மகிழ்ச்சி என்று தனது சமூக வலைத்தளங்களில் குறிப்பிட்டுள்ள உபாசனா, பிக்கேட்ஸ் உடன் எடுத்து கொண்ட புகைப்படத்தையும் தனது சமூக வலைத்தளத்தில் பதிவு செய்துள்ளார்.
இந்தியா உள்பட உலகம் முழுவதும் பில்கேட்ஸ் தனது அறக்கட்டளை மூலம் பல்வேறு சமூக பணிகள் செய்து வரும் நிலையில் உபாசனாவும் தெலுங்கு மாநிலங்களில் சமூக பணிகள் செய்து வருகிறார் என்பதும், இந்திய மக்களை நோயில்லாமல் பாதுகாப்பதற்கான வழிகள் குறித்து அவர் பில் கேட்ஸுடன் கலந்துரையாடியுள்ளார் என்பதும் குறிப்பிடத்தக்கது