சச்சின், தோனி, கோஹ்லி இடத்தை நடராஜன் பிடித்து விட்டதாக தமிழ் காமெடி நடிகர் சதீஷ் தனது டுவிட்டரில் பதிவு செய்திருப்பது பெரும் பரபரப்பை ஏற்படுத்தி உள்ளது. இதுகுறித்து அவர் தனது டுவிட்டரில் கூறியிருப்பதாவது:

முன்பெல்லாம் சினிமாவில் பாய்ஸ் ஹாஸ்டல் குறித்த காட்சிகள் வரும்போது சுவர்களில் சச்சின் தோனி மற்றும் கோஹ்லியின் போஸ்டர்கள் ஒட்டி இருப்பது போன்ற காட்சிகள் படமாக்கப்படும். ஆனால் தற்போது நான் நடித்து வரும் ஒரு திரைப்படத்தில் அதே போன்ற ஒரு காட்சியில் சச்சின் தோனி கோஹ்லிக்கு பதிலாக நடராஜன் போஸ்டர் இருப்பதுபோல் வைக்கப்பட்டு படமாக்கப்பட்டது. அந்த அளவுக்கு நடராஜன் இளைஞர்கள் மத்தியில் புகழ் பெற்று இருப்பதை பார்த்து நான் மிகவும் பெருமைப்படுகிறேன் என்று நடிகர் சதீஷ் தனது டுவிட்டரில் தெரிவித்துள்ளார்

மேலும் இந்த காட்சி அசோக் செல்வன் மற்றும் பிரியா பவானிசங்கர் நடித்து வரும் படத்திற்காக அமைக்கப்பட்டது என்றும், இந்த படத்தில் தானும் ஒரு கேரக்டரில் இணைந்திருப்பது மகிழ்ச்சியளிப்பதாகவும் சதீஷ் குறிப்பிட்டுள்ளார். சதீஷின் இந்த டுவிட் தற்போது வைரலாகி வருகிறது

To the days where we saw posters of Sachin, Dhoni and Kohli adorning hostel walls on a film set, to now seeing @Natarajan_91 poster at the same place today. Super proud to see how far you’ve come bro!
And super kicked about this new project with @ashokselvan @priyabhavanishankar pic.twitter.com/6eMxGdq3ku

— Sathish (@actorsathish) January 12, 2021