ஒரே நேரத்தில் பதவி உயர்வு பெற்ற டி.ராஜேந்தர்-சிம்பு
- IndiaGlitz, [Thursday,March 23 2017]
பிரபல இயக்குனரும் லட்சிய திமுக தலைவருமான டி.ராஜேந்தரும் அவருடைய மகனும் நடிகருமான சிம்புவும் ஒரே நேரத்தில் பதவியுயர்வு பெற்றுள்ளனர். அதாவது டி.ராஜேந்தர் தாத்தாவாகவும், சிம்பு மாமாவாகவும் பதவியுயர்வு பெற்றுள்ளனர்.
டி.ராஜேந்தரின் ஒரே மகளும் சிம்பு, குறளரசனின் சகோதரியுமான தமிழ் இலக்கியாவின் திருமணம் 2014ம் ஆண்டு சென்னையில் திருமணம் வெகுசிறப்பாக நடந்தது. இந்நிலையில் சமீபத்தில் கர்ப்பமான தமிழ் இலக்கியா நேற்று சென்னையில் உள்ள தனியார் மருத்துவமனையில் பிரசவத்திற்காக அனுமதிக்கப்பட்டார்.
இன்று காலை அவருக்கு அழகான ஆண் குழந்தை பிறந்துள்ளதாக செய்தி வெளிவந்துள்ளது. பேரன் பிறந்த தகவல் அறிந்ததும் மகிழ்ச்சி அடைந்த டி.ராஜேந்தர் மருத்துவமனை ஊழியர்களுக்கு இனிப்பு வழங்கி தனது மகிழ்ச்சியை பகிர்ந்து கொண்டார்.
அதேபோல் அவருடைய மனைவி உஷா ராஜேந்தர், மகன்கள் சிலம்பரசன் மற்றும் குறளரசன் ஆகியோர்களும் தங்கள் குடும்பத்தின் புதுவரை வரவேற்று கொண்டாடினர்.