நடிகர் சூர்யாவின் அகரம் பவுண்டேஷன் நிகழ்ச்சி இன்று சென்னையில் நடைபெற்றது. இதில் நடிகர் சூர்யா கலந்து கொண்டார். அப்போது, அவரது முன்னிலையில் மாணவிகள் கல்வியே "எங்கள் ஆயுதம்" என்று உறுதிமொழி எடுத்துக் கொண்டனர். இது குறித்த வீடியோ தற்போது இணையத்தில் வைரலாகி வருகிறது.

நடிகர் சூர்யா பல ஆண்டுகளாக அகரம் பவுண்டேஷன் மூலம் ஏழை, எளிய மாணவ, மாணவிகளுக்கு கல்வி உதவி செய்து வருகிறார். அவரது அகரம் பவுண்டேஷன் மூலம் நூற்றுக்கணக்கான மாணவ, மாணவிகள் கல்வி பயின்று இன்று நல்ல நிலைக்கு வந்துள்ளனர் என்பது குறிப்பிடத்தக்கது.

இந்நிலையில், இன்று சென்னை தி.நகரில் அகரம் பவுண்டேஷன் நிகழ்ச்சி ஒன்று நடைபெற்றது. இதில் நடிகர் சூர்யா கலந்து கொண்டார். அப்போது, அவரது முன்னிலையில் மாணவிகள் கல்வி உறுதிமொழி எடுத்துக்கொண்டனர். அவர்கள் கூறியதாவது:

"கல்வியே எங்கள் ஆயுதம்!
கல்வியே எங்கள் கேடயம்!
கல்வியே எங்கள் சமூக பாதுகாப்பு!
கல்வி கற்க தேடி அலைந்தோம்.
நல்லவர்கள் எங்களுக்கு உதவினர்
கல்வி கற்று, வேலை பெற்று, குறைந்தபட்சம் ஒருவரையாவது நாங்கள் படிக்க வைப்போம்.
நல்ல குடிமக்களாக இருப்போம்.
நாங்கள் கற்றதையும், பெற்றதையும் எல்லோருக்கும் பகிர்ந்து தருவோம்."

இவ்வாறு, மாணவர்கள் நடிகர் சூர்யாவின் முன்னிலையில் உறுதிமொழி எடுத்துக் கொண்டனர்.