இயக்குனர் பாண்டிராஜ் இயக்கிய முதல் திரைப்படமான ’பசங்க’ என்ற திரைப்படத்தின் மூலம் ஹீரோவாக அறிமுகமானவர் நடிகர் விமல். அதன்பின்னர் களவாணி, தூங்காநகரம், கலகலப்பு, கேடி பில்லா கில்லாடி ரங்கா, உள்ளிட்ட பல திரைப்படங்களில் நடித்தார் என்பது குறிப்பிடத்தக்கது.

இந்த நிலையில் நடிகர் விமல் மனைவி மற்றும் குழந்தைகளின் புகைப்படம் தற்போது சமூக வலைதளங்களில் வைரல் ஆகி வருகிறது. குறிப்பாக சமீபத்தில் பிறந்த நடிகர் விமலின் பெண் குழந்தை ஆத்விகாவுக்கு இன்று ஒரு வயது முடிவடைந்ததை அடுத்து அதனை விமல் மற்றும் அவரது குடும்பத்தினர் சிறப்பாக கொண்டாடியுள்ளனர். இது குறித்த புகைப்படங்கள் தற்போது வைரலாகி வருகிறது என்பதும் குறிப்பிடத்தக்கது. விமலின் ஒரு வயது குழந்தை ஆத்விகாவுக்கு ரசிகர்கள் தங்களது வாழ்த்துக்களை தெரிவித்து வருகின்றனர்.

நடிகர் விமல் தற்போது ’சண்டக்காரி’ ’எங்க பாட்டன் சொத்து’ ’மஞ்சள் குடை’ ’குல சாமி’ படவா உள்ளிட்ட திரைப்படங்களில் நடித்து வருகிறார் என்பதும் லாக்டவுன் முடிந்தவுடன் இந்த படங்கள் ஒவ்வொன்றாக ரிலீஸாகவுள்ளது என்பதும் குறிப்பிடத்தக்கது.