தமிழ் சினிமாவில் “மைனா“ திரைப்படத்தின் மூலம் பிரபலமானவர் நடிகை அமலாபால். அதற்குப் பிறகு “தெய்வத்திருமகள்“, “வேட்டை“, “காதலில் சொதப்புவது எப்படி“, “‘தலைவா“, “வேலையில்லாப் பட்டதாரி“ போன்ற வெற்றிப்படங்களில் நடித்திருந்தார். அதேபோல மலையாளம், தெலுங்கு சினிமாவிலும் பேசும்படியான பல நல்ல கதாபாத்திரங்களில் நடித்திருந்தார்.

சமீபத்தில் “ஆடை“ திரைப்படத்தில் நடித்திருந்த இவர் பல கலவையான விமர்சனத்தைப் பெற்றிருந்தாலும் இவருடைய நடிப்பு ரசிகர்களிடையே வரவேற்பை பெற்றது. அதற்குப் பிறகு ஆந்தலாஜி திரைப்படமான “குட்டி ஸ்டோரி“யில் நடித்திருந்த இவர் தமிழில் பெரிய அளவிற்கு கவனம் செலுத்தவில்லை. தற்போது வெப் சீரிஸ்களில் ஆர்வம் காட்டிவரும் நடிகை அமலாபால் புதிதாக தயாரிப்பு நிறுவனம் ஒன்றை தொடங்கி இருப்பதும் குறிப்பிடத்தக்கது.

இதையடுத்து தன்னுடைய தயாரிப்பு நிறுவனத்தின் மூலம் உருவாகும் “கடாவர்“ திரைப்படத்தில் தடயவியல் மருத்துவராக நடிகை அமலாபால் நடித்து வருகிறார். மேலும் “அதோ அந்த பறவை போல“. “ஆடுஜீவிதம்“ போன்ற திரைப்படங்களிலும் இவர் நடித்து முடித்துள்ளார். இந்நிலையில் சோஷியல் மீடியாவில் ஆக்டிவாக இருந்துவரும் நடிகை அமலாபால் தனது இன்ஸ்டாகிராம் பக்கத்தில் வீடியோ ஒன்றை வெளியிட்டு உள்ளார்.

அதில் ஒயின் கவுன் அணிந்திருக்கும் நடிகை அமலாபால் “வருத்தங்கள் வரலாம். வருத்தங்கள் போகலாம். இந்த நிமிடம் நம்மிடம் இருக்கிறது. அவ்வளவுதான். எனவே கடவுள்களின் பானத்தை நீங்களே ஊற்றி யாரும் பார்க்காதது போல் உங்கள் வாழ்க்கையை வாழுங்கள். சிறப்பான வாழ்க்கை அமைய வாழ்த்துகள்“ என்று ஒரு பானத்திற்கு விளம்பரம் செய்துள்ளார். இந்த வீடியோவை பார்த்த ரசிகர்கள் நடிகை அமலாபாலின் ரியாக்ஷன் வேறலெவலாக இருக்கிறதே… என்று கமெண்ட் அடித்து வருவதும் குறிப்பிடத்தக்கது.

View this post on Instagram

A post shared by Amala Paul (@amalapaul)