close
Choose your channels

'கருணாஸ்' பட நாயகிக்கு கொரோனா: மும்பை மருத்துவமனையில் அனுமதி

Saturday, August 15, 2020 • தமிழ் Comments

கருணாஸ் நடித்த ’அம்பாசமுத்திரம் அம்பானி’ உள்பட ஒரு சில திரைப்படங்களில் நடித்தவரும் தற்போதைய லோக்சபா எம்பியுமான நடிகை நவ்நீத் கவுர் கொரோனாவால் பாதிக்கப்பட்டு மருத்துவமனையில் அனுமதிக்கப்பட்டுள்ளதாக வெளிவந்த செய்தி பெரும் பரபரப்பை ஏற்படுத்தி உள்ளது

கடந்த சில நாட்களுக்கு முன்னர் நடிகரும் எம்எல்ஏவுமான கருணாஸ்க்கு கொரோனா பாதிப்பு ஏற்பட்டது. இதனையடுத்து அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார். அதேபோல் நேற்று நடிகை நிக்கி கல்ராணிக்கு கொரோனா பாதிக்கப்பட்ட செய்தி வெளியானது என்பது தெரிந்ததே

இந்த நிலையில் சரத்குமார் நடித்த ’அரசாங்கம்’ கருணாஸ் நடித்த ’அம்பாசமுத்திரம் அம்பானி’ உள்பட ஒரு சில திரைப்படங்களில் நடித்தவரும், தற்போதைய அமராவதி தொகுதி எம்பியுமான நவ்நீத் கவுர் அவர்களுக்கு கொரோனா உறுதி செய்யப்பட்டுள்ளது. நவ்னீத் கவுர் உள்பட அவரது குடும்பத்தினர் 10 பேருக்கு கொரோனா பாதிப்பு ஏற்பட்டதை அடுத்து அனைவரும் தனிமைப்படுத்தப்பட்டு சிகிச்சை பெற்று வந்ததாகவும் செய்திகள் வெளியானது

இந்த நிலையில் திடீரென நவ்நீத் கவுருக்கு மூச்சுத்திணறல் ஏற்பட்டதால் அவர் மும்பையில் உள்ள லீலாவதி மருத்துவமனையில் அனுமதிக்கப்பட்டு சிகிச்சை பெற்று வருவதாகவும் அவரது உடல்நிலை தற்போது சீராக இருப்பதாகவும் செய்திகள் வெளியாகியுள்ளது

Get Breaking News Alerts From IndiaGlitz