நடிகை ஜோதிகா மற்றும் நடிகை மிர்ச்சி செந்தில் ஆகிய இருவரும் ஒரே ஆண்டில் ஒரே நாளில் பிறந்தவர்கள் என்ற தகவலை மிர்ச்சி செந்தில் தனது சமூக வலைத்தளத்தில் தெரிவித்துள்ளார்.

ஜோதிகாவுடன் மிர்ச்சி செந்தில் நடிக்கும் விளம்பர படம் ஒன்று படமாக்கப்பட்ட நிலையில் இந்த படத்தை நடிகர் கிருஷ்ணா இயக்கி உள்ளதாக தகவல்கள் வெளியாகியுள்ளன.

தமிழ் சினிமாவின் பிரபல நடிகையாக இருந்த ஜோதிகா திருமணத்திற்கு பின்னர் நீண்ட இடைவெளிக்கு பிறகு மீண்டும் ரீஎண்ட்ரி ஆகி தற்போதும் சில படங்களில் நடித்து வருகிறார்.

அதேபோல் தொலைக்காட்சி தொடர்களில் பிஸியாக இருப்பவர் மிர்ச்சி செந்தில். இவர் சரவணன் மீனாட்சி’ உட்பட பல சீரியல்களில் நடித்துள்ளார். இந்த நிலையில் ஜோதிகா மற்றும் மிர்ச்சி செந்தில் ஆகிய இருவரும் ஒரு விளம்பர படத்தில் நடித்துள்ளனர். இந்த விளம்பர படத்தின் படப்பிடிப்பு சமீபத்தில் நடந்தது. இந்த விளம்பர படத்தை நடிகர் கிருஷ்ணா இயக்கி உள்ளார் என்பது குறிப்பிடத்தக்கது.

இந்த விளம்பர படம் விரைவில் வெளியாக உள்ள உள்ள நிலையில் மிர்ச்சி செந்தில் தனது சமூக வலைத்தளத்தில் ஜோதிகாவுடன் இருக்கும் புகைப்படத்தை பகிர்ந்துள்ளார். மேலும் நடிகை ஜோதிகாவும் தானும் ஒரே நாளில் ஒரே வருடத்தில் பிறந்தவர்கள் என்ற ஆச்சரியமான தகவலையும் அவர் பகிர்ந்துள்ளார். அதாவது கடந்த 1978 ஆம் ஆண்டு அக்டோபர் 18ஆம் தேதி தான் இருவரும் பிறந்தனர் என்பது குறிப்பிடத்தக்கது.

View this post on Instagram

A post shared by Mirchi Senthil (@mirchisenthil983)